ஒவ்வொரு மாதமும் சில கிரகங்கள் தங்கள் இயக்கத்தை மாற்றிக் கொள்கின்றன. இந்த கிரக மாற்றங்கள் அனைத்து ராசிக்காரர்களின் வாழ்க்கையிலும் பிரதிபலிக்கும். இது சில ராசிக்காரர்களுக்கு நேர்மறையானதாகவும், சில ராசிக்காரர்களுக்கு எதிர்மறையானதாகவும் இருக்கும்.
ராசிகளைப் போலவே கிரக மாற்றங்கள் நட்சத்திரங்களின் மீது குறிப்பிடத்தக்க தாக்கத்தை ஏற்படுத்துகின்றன. அதன்படி சில நட்சத்திரங்களில் பிறந்தவர்கள் மே மாதத்தில் நடக்கப்போகும் கிரக மாற்றங்களால் ராஜயோகத்தை அடையப்போகிறார்கள். மே மாதம் எந்தெந்த நட்சத்திரங்களில் பிறந்தவர்களுக்கு மிகவும் அதிர்ஷ்டமானதாக இருக்கப்போகிறது என்று தெரிந்து கொள்ளலாம்.
Also Read : ஈரேழு பதினாலு லோகங்கள் எங்கே இருக்கிறது? இவற்றை கடந்தால் கடவுளைக் காணலாம் என்பது உண்மையா?
பரணி
பரணி நட்சத்திரத்தில் பிறந்தவர்களுக்கு மே மாதத்தில் பல சாதகமான மாற்றங்கள் ஏற்படப்போகிறது. குரு பெயர்ச்சி அவர்களுக்கு பல நன்மைகளை அளிக்கப்போகிறது. எதிர்பாராத நிதி ஆதாயங்கள் அவர்களின் பொருளாதார நிலையில் பெரும் மாற்றத்தை ஏற்படுத்தும்.
சூரியனின் மாற்றம் அவர்களின் நற்பெயரையும், அதிகாரத்தையும் அதிகரிக்கப்போகிறது. திருமண வாழ்க்கையில் மகிழ்ச்சியான சூழ்நிலை உருவாகும். சுக்கிரனின் மாற்றம் பரணி நட்சத்திரக்காரர்களின் வாழ்க்கையில் செழிப்பையும், மகிழ்ச்சியையும் அளிக்கப்போகிறது.
கிருத்திகை
மே மாதத்தில் ஏற்படும் கிரக மாற்றங்கள் கிருத்திகை நட்சத்திரக்காரர்களின் வாழ்க்கையில் பல ஆச்சரியங்களை ஏற்படுத்துகிறது. அவர்கள் வாழ்க்கையில் பல மகிழ்ச்சியான மாற்றங்கள் இந்த மாதத்தில் நடக்கப்போகிறது.
எதிர்பாராத நிதி ஆதாயங்கள் ஏற்படும். வருமானம் அதிகரிக்கும், அதன் மூலம் அவர்களின் பல ஆசைகள் நிறைவேறப்போகிறது. வெளியூர் அல்லது வெளிநாடுகளுக்குப் பயணம் மேற்கொள்ள வாய்ப்பு கிடைக்கும். ஆரோக்கியம் அவர்களின் அனைத்து முயற்சிகளுக்கும் ஆதரவாக இருக்கும்.
திருவாதிரை
திருவாதிரை நட்சத்திரத்தில் பிறந்தவர்கள் மே மாதம் தங்கள் வாழ்க்கையில் பல நேர்மறையான மாற்றங்களை அனுபவிக்கப் போகிறார்கள். குருவும் புதனும் ராசிகளை மாற்றுவதால், அது அவர்கள் வாழ்க்கையில் பல மகிழ்ச்சியான மாற்றங்களைக் கொண்டுவருகிறது.
வியாபாரிகளுக்கு எதிர்பாராத லாபம் கிடைக்கும். வேலையில் பதவி உயர்வு கிடைக்கலாம். அவர்கள் வாழ்க்கை வெற்றியை நோக்கி செல்கிறது. சுக்கிரனின் ராசி மாற்றம் பொருளாதார ஸ்திரத்தன்மையை உறுதி செய்கின்றன. . திருமண வாழ்க்கையில் மகிழ்ச்சியும், அமைதியும் நிலவும்.
கேட்டை
மே மாதம் கேட்டை நட்சத்திரத்தில் பிறந்தவர்களுக்கு வெற்றிகரமான மாதமாக இருக்கப்போகிறது. சந்தேகமே இல்லாமல், இந்த மாதம் அவர்களின் அனைத்து சிக்கல்களும் முடிவுக்கு வரும். படிப்பு அல்லது வேலை சம்பந்தமாக வெளிநாடு செல்ல விரும்புபவர்களுக்கு அதற்கான வாய்ப்புகள் கிடைக்கும்.
வீடு கட்டும் பணியை மீண்டும் தொடங்குவதற்கு இது சிறப்பான மாதமாக இருக்கும். நிலம் வாங்குவதற்கும், விற்பதற்கும் இது மிகவும் சாதகமான நேரம். புதிய சொத்துக்களின் வருகையால் வீட்டில் மகிழ்ச்சியும், உற்சாகமும் நிறைந்திருக்கும்.
உத்திரட்டாதி
உத்திரட்டாதி நட்சத்திரத்தில் பிறந்தவர்களுக்கு இது முன்னேற்றத்திற்கான மாதமாக இருக்கும். பொருளாதார நிலையில் பல மாற்றங்கள் ஏற்படப்போகிறது. அவர்கள் குடும்பத்தில் மகிழ்ச்சியும், அமைதியும் தேடி வரும். புதிய வாகனம் வாங்குவதற்கு சிறந்த மாதமாக இருக்கும்.
நம்பிக்கையுடன் எதையும் சாதிக்கக்கூடிய காலம் இது. வேலையில் இருப்பவர்கள் இப்போது அலுவலகத்தில் சாதகமான சூழலை அனுபவிக்கலாம். நிதி நிலைமை மேம்படுவதால் வீட்டிற்கு சில முக்கியமான பொருட்களை வாங்கலாம். எதிர்காலத்திற்காக முதலீடு செய்வது நல்ல பலன்களைக் கொடுக்கும்.
Subscribe to our channels on YouTube & Telegram & 
Tamilnadu & Pondicherry