கத்திரிக்காயின் பிரமிப்பூட்டும் நன்மைகள்! தவிர்க்கவே கூடாத பட்டியலில் பிரிஞ்சாலுக்கு முக்கிய இடம்!

கத்திரிக்காய் வைட்டமின், மினரல் மற்றும் உடலுக்கு தேவையான ஊட்டச்சத்துகளை கொண்டது. குழந்தைகளின் எலும்பு வலுவாக இருக்க கத்திரிக்காய் சாப்பிடுவது அவசியம்.

கத்திரிக்காயின் மகத்துவதை அறியாத காரணத்தினால் தமிழகத்தில் அதன் சாகுபடி குறைந்துவிட்டது. முன்பெல்லாம் வீடுகள், ஹோட்டல்களில் கத்திரிக்காய் சாம்பார் வாரத்திற்கு ஓரிரு முறையாவது வைக்கப்படும். குழந்தைகள் இதை ஒதுக்கிய காரணத்தால் பெற்றோரும் இதை சமைப்பதை தவிர்க்கின்றனர். கத்திரிக்காய் கூட்டு, பிரியாணிக்கு கத்திரிக்காய் கிரேவி என சுவைத்தது குறைந்துகொண்டே வருகிறது.

Also Read : உங்க இதயம் ஆரோக்கியமாக இருக்குதா? வீட்டிலேயே இந்த சோதனைகளை செய்து பாருங்க!

கத்தரிக்காயில் உள்ள வைட்டமின்களும், மினரல்களும் உடலுக்கு தேவையானவை. 100 கிராம் கத்திரிக்காயில் 5.88 கிராம் கார்போஹைட்ரேட், நார்ச்சத்து 3 கிராம், இயற்கை சர்க்கரை 3.53 கிராம், கொழுப்பு 0.18 கிராம், புரதம் 0.98 கிராம், வைட்டமின் பி1, பி2, பி3, பி5, பி6, பி9, சி, ஈ, கே என அனைத்தும் மில்லி கிராம் அளவில் உள்ளன. இரும்புச்சத்து, கால்சியம், ஜிங்க், மாங்கனீஸ் ஆகிய சத்துகளும் இதில் அடக்கம்.

உடலுக்கு தேவையான ஆற்றல் மற்றும் இரத்த அழுத்தத்தை சீராக்குவதற்கு கத்திரிக்காய் உதவுகிறது. கத்திரிக்காயை தொடர்ந்து உட்கொண்டால் உடலில் ஊட்டச்சத்து குறைபாட்டைத் தவிர்க்கலாம். இந்தியாவில் சுமார் 8 கோடி பேர் சர்க்கரை நோயினால் பாதிக்கப்பட்டுள்ளதாக ஆய்வுகள் தெரிவிக்கின்றன. இது கவலைக்குரிய விஷயமாகும். உணவு பழக்கத்தில் நார்ச்சத்து நிறைந்த கத்திரிக்காயை சேர்த்துக் கொள்வதன் மூலம் சர்க்கரை நோயினால் பாதிக்கப்படுவதை தவிர்க்கலாம். கத்திரிக்காயில் உள்ள நார்ச்சத்து நம் உடலை சர்க்கரையை எளிதில் உறிஞ்ச விடாது. மேலும் இரத்த சர்க்கரை அளவுகளையும் கட்டுப்படுத்தும்.

ஆரோக்கியமான உடல் எடையை நிர்வகிக்க நினைத்தால் அதற்கு கத்திரிக்காய் பெரிதும் உதவும். இது குறைந்த கலோரி மற்றும் அதிகளவு நார்ச்சத்து கொண்டது. எடையை இழக்க விரும்புவோர் கட்டாயம் கத்திரிக்காய் சாப்பிடுங்கள். உணவில் கத்திரிக்காய் சேர்த்துக் கொண்டால் அது உங்கள் வயிற்றை நீண்ட நேரம் முழுமையாக உணர வைக்கும். செரிமான அமைப்பின் பொது ஆரோக்கியத்தை கத்தரி்க்காய் மேம்படுத்துகிறது. கத்தரிக்காயில் காணப்படும் இயற்கையான செரிமான நொதிகள் வயிற்றில் உள்ள உணவை உடைக்க உதவும்.

குழந்தைகளுக்கும், பெரியவர்களுக்கும் வலுவான எலும்புகள் இருந்தால் மட்டுமே எந்தவொரு வேலையையும் செய்ய முடியும். வலுவான எலும்புகள் குழந்தையின் வளர்ச்சிக்கு அடித்தளமாகும். அப்போது தான் வயதான காலத்தில் பல்வேறு பிரச்னைகளை தவிர்க்க முடியும். கத்திரிக்காய் சாப்பிட்டு வந்தால் எலும்பின் அடர்த்தி அதிகரிக்கும். கத்திரிக்காயில் உள்ள கால்சியம், மெக்னீசியம், பொட்டாசியம் ஆகியவை எலும்பு ஆரோக்கியத்திற்கு உதவும்.

கத்தரிக்காயில் காணப்படும் பி-வைட்டமின் ஃபோலேட், இரத்த சிவப்பணுக்களின் வளர்ச்சிக்கு அவசியம். புதிய இரத்த சிவப்பணுக்களை உருவாக்குவதற்கு முக்கியமான DNAவின் தொகுப்பு, ஃபோலேட் சார்ந்தது. நீண்ட நேரம் மின்சாதன பொருட்களைப் பயன்படுத்துவது கண் பார்வை குறைபாட்டிற்கு வழிவகுக்கும். கத்திரிக்காய் சாப்பிட்டால் கண் பார்வை பாதிப்படைவதின் வேகத்தை குறைக்கலாம். கண் பார்வையும் மேம்படும். கண்களில் உள்ள திசுக்களுக்கும் கத்திரிக்காய் பலன் தரும்.

கத்தரிக்காயில் இயற்கையான சேர்மங்கள் உள்ளன, அவை வலியைக் குறைக்க உதவுகின்றன, இது மூட்டுவலி அல்லது பொது அசௌகரியம் போன்ற நிலைமைகளால் பாதிக்கப்பட்டவர்களுக்கு நன்மை பயக்கும். கத்திரிக்காயில் அழற்சி எதிர்ப்பு பண்புகள் உள்ளன, இது உடலில் ஏற்படும் வீக்கத்தைக் குறைக்க உதவுகிறது, கீல்வாதம் மற்றும் இரைப்பை அழற்சி போன்ற நிலைமைகளுக்கு நன்மை பயக்கும். கத்தரிக்காயானது வீக்கத்தைக் குறைத்து சுவாச செயல்பாட்டை மேம்படுத்துவதன் மூலம் ஆஸ்துமா அறிகுறிகளை நிர்வகிக்க உதவும். கத்தரிக்காய் கொலஸ்ட்ரால் அளவைக் குறைக்க உதவுகிறது, இதய ஆரோக்கியத்தை மேம்படுத்துகிறது மற்றும் இருதய நோய்களின் அபாயத்தைக் குறைக்கிறது.

Also Read : சீஸன் மாறுவதால் சளி, காய்ச்சலா? சுக்கு மல்லி காபி குடிங்க..! Recipe & Health benefits of Sukku Coffee!

கத்தரிக்காயில் நாசுனின் மற்றும் குளோரோஜெனிக் அமிலம் போன்ற ஆக்ஸிஜனேற்றங்கள் உள்ளன, இது ஃப்ரீ ரேடிக்கல்களை எதிர்த்துப் போராடவும் சில புற்றுநோய்களின் அபாயத்தைக் குறைக்கவும் உதவும். இதில் உள்ள வைட்டமின்கள் மற்றும் தாதுக்கள், வைட்டமின்கள் ஏ மற்றும் ஈ போன்றவை ஆரோக்கியமான சருமம் மற்றும் கூந்தலுக்கு பங்களித்து, இயற்கையான பளபளப்பு மற்றும் வலிமையை ஊக்குவிக்கிறது. கத்தரி அதன் அத்தியாவசிய தாவர ஊட்டச்சத்து காரணமாக மூளை ஆரோக்கியத்தை ஆதரிக்கிறது, இது நினைவாற்றலை மேம்படுத்துகிறது மற்றும் மூளை செல்களை பாதுகாக்கிறது.

இதனிடையே, கத்தரிக்காயில் சோலனைன் என்ற கலவை உள்ளது, இது பெரிய அளவில் நச்சுத்தன்மையுடையது. கத்தரிக்காயை அதிகமாக சாப்பிடுவதால் குமட்டல், வாந்தி, தலைசுற்றல் போன்றவை ஏற்படும். சிலருக்கு, கத்தரிக்காயை உட்கொள்வது வாயு, வீக்கம் மற்றும் வயிற்றுப் பிடிப்பு போன்ற செரிமான பிரச்சனைகளை ஏற்படுத்தும். கத்தரிக்காயில் ஆக்சலேட்டுகள் அதிகம் உள்ளது, இது எளிதில் பாதிக்கப்படக்கூடிய நபர்களில் சிறுநீரகக் கற்கள் உருவாவதற்கு பங்களிக்கும். மரபணு மாற்ற கத்தரிக்காய்கள் ஒவ்வாமையை உண்டாக்கி நோய் எதிர்ப்பு சக்தியை குறைக்கும் என்று மருத்துவர்கள் எச்சரிக்கின்றனர்.

Image Source : Getty Image

Subscribe to our channels on  YouTube  & Telegram &  Tamilnadu  &  Pondicherry