முதுமை மற்றும் மரணம் குறித்து மனிதர்கள் நூற்றாண்டுகளாக பல்வேறு முயற்சிகளை மேற்கொண்டு வருகின்றனர். மரபணு மாற்றம், உணவுக் கட்டுப்பாடு, யோகா, அதிசய மருந்துகள் என பல பாணிகள் பரிசோதிக்கபட்டுள்ளன. ஆனால் முதுமையின் பாதையைத் தடுக்கும் வழி இன்னும் முழுமையாக காணப்படவில்லை. இந்த நிலையை மாற்ற, விஞ்ஞானிகள் இப்போது “நெக்ரோசிஸ்” எனப்படும் செல் இறப்பை கேந்திரமாகக் கொண்டு புதிய மருத்துவ வழிகளை ஆராய்ந்து வருகின்றனர்.
நெக்ரோசிஸ் – மரணத்தைப் பற்றி புதிய பார்வை
நெக்ரோசிஸ் என்பது செல்கள் கட்டுப்பாடின்றி வீங்கி வெடித்து வீக்கத்தை ஏற்படுத்தும் ஒரு செல் இறப்பு வகை. இது மூளை, இதயம், சிறுநீரகம் போன்ற முக்கிய உறுப்பு நோய்களின் பின்னணி காரணமாக இருக்கக்கூடும் என விஞ்ஞானிகள் கண்டறிந்துள்ளனர். முன்னர் இது சாதாரண உயிரியல் நிகழ்வாகவே கருதப்பட்டது. ஆனால் தற்போது, இதை கட்டுப்படுத்துவதன் மூலம் ஆயுள், ஆரோக்கியம், மற்றும் சுகாதாரத் தரத்தை மேம்படுத்த முடியும் என்பது ஆராய்ச்சிகளில் வெளிவந்துள்ளது.
நெக்ரோசிஸ்: முதுமையை தூண்டும் மௌன நச்சு?
நமது உடலில் செல்கள் பழையவை இறந்து புதியவை உருவாகும் இயற்கை சுழற்சி நடக்கிறது. ஆனால் சில நேரங்களில் செல்கள் கட்டுப்பாடின்றி நொறுங்கும்போது, அதுவே நெக்ரோசிஸ் ஆகிறது. இது சுற்றியுள்ள திசுக்களையும் சேதப்படுத்தி, மூளை, இதயம், சிறுநீரகம் உள்ளிட்ட உறுப்புகளில் வீக்கம், அழிவு போன்றவற்றை ஏற்படுத்துகிறது. உதாரணமாக, 75 வயதுக்கு மேற்பட்டவர்களில் பாதிக்கப்படுகிற சிறுநீரக நோய்களுக்கு நெக்ரோசிஸும் ஒரு முக்கிய பங்கு வகிக்கக்கூடும் என ஆராய்ச்சியாளர்கள் கருதுகிறார்கள்.
நெக்ரோசிஸை கட்டுப்படுத்தும் மருத்துவ யுக்திகள்
நெக்ரோசிஸை தடுக்கலாம் என்ற நம்பிக்கை விஞ்ஞானிகள் மத்தியில் வளர்ந்து வருகிறது. செல்களில் அதிகப்படியான கால்சியம் சேரும் போது வெடிப்பது ஒரு காரணம் எனக் கூறப்படுகிறது. அதனை கட்டுப்படுத்தும் மருந்துகள் தற்போது ஆய்வில் உள்ளன. நெக்ரோசிஸை கட்டுப்படுத்துவதன் மூலம் மட்டும், ஒரு சில நோய்கள் மட்டும் அல்லாமல் ஒரே நேரத்தில் பல நுண்ணிய உடல் கோளாறுகளையும் கட்டுப்படுத்த முடியும். இது மருத்துவ உலகில் ஒரு புதிய பரிமாணமாக பார்க்கப்படுகிறது.
எதிர்கால மருத்துவத்திற்கான நம்பிக்கை!
முதுமையின் வேகத்தை குறைத்து, திசுச் சிதைவுகளை தடுப்பது என்பது கற்பனையாக மட்டுமே இருந்தது. ஆனால் இப்போது, நெக்ரோசிஸை கேந்திரமாக வைத்து மேற்கொள்ளப்படும் ஆராய்ச்சிகள் இந்த கனவை நிஜமாக்கலாம் என்று நம்பிக்கை உருவாகி வருகிறது. மக்கள் தொகையில் முதியவர்களின் சதவிகிதம் அதிகரிக்கும் இக்காலத்தில், இத்தகைய விஞ்ஞான கண்டுபிடிப்புகள் சுகாதார மேலாண்மை மற்றும் மருத்துவ கண்டுபிடிப்புகளுக்கு புதிய அடித்தளத்தை அமைக்கக்கூடும்.
Summary: நெக்ரோசிஸை புரிந்து கொள்வது மரணத்துக்கே எதிரான மருத்துவ புரட்சிக்கு வழி வகுக்கலாம். உயிரின் இறுதி சக்கரத்தை புரிந்து கொண்டால், வாழும் காலத்தைப் பாதுகாப்பதற்கான நம்முடைய வாய்ப்புகள் மேலும் விரிந்துவிடும்!
Source : earth.com
Subscribe to our channels on YouTube & Telegram & 
Tamilnadu & Pondicherry