திமுகவின் ‘பவர் ஸ்டார்’ செந்தில் பாலாஜிக்கு உச்ச நீதிமன்றத்தில் மரண அடி! விசாரணையை டெல்லிக்கு மாற்ற நோட்டீஸ்?

அமைச்சர் பதவியை ராஜினாமா செய்ய கட்டாயப்படுத்திய கடந்த ஏப்ரல் மாத உத்தரவு தொடர்பாக விளக்கம் கோரி தமிழக முன்னாள் அமைச்சர் வி. செந்தில் பாலாஜி தாக்கல் செய்த மனுவை உச்ச நீதிமன்றம் இன்று தள்ளுபடி செய்தது. இந்த மனு, கடந்த ஏப்ரல் மாதம் அவரை ராஜினாமா செய்யக் கட்டாயப்படுத்திய உத்தரவு குறித்து ஒரு விளக்கம் கோருவதற்காகத் தாக்கல் செய்யப்பட்டதாகும்.

பணமோசடி வழக்கில், செந்தில் பாலாஜி அமைச்சர் பதவியில் இருந்து ராஜினாமா செய்ததைப் புரிந்து கொண்டு, உச்ச நீதிமன்றம் அவருக்குச் செப்டம்பர் 2024-ல் பிணை வழங்கியிருந்தது. பின்னர் மீண்டும் அவர் அமைச்சராகப் பதவியில் அமர்த்தப்பட்டார். அதைத் தொடர்ந்து அவரது பிணையைத் திரும்பப் பெறுமாறு ஒரு மனு தாக்கல் செய்யப்பட்டது.

கடந்த ஏப்ரல் 23 அன்று அவருக்கு எதிராகக் கடுமையான கருத்துக்களைத் தெரிவித்த உச்ச நீதிமன்றம், “பதவி விலகுங்கள் அல்லது மீண்டும் சிறைக்குச் செல்லுங்கள்” என்று எச்சரித்தது. இதனைத் தொடர்ந்து செந்தில் பாலாஜி இரண்டாவது முறையாக அமைச்சர் பதவியை ராஜினாமா செய்தார்.

செந்தில் பாலாஜி தாக்கல் செய்த சமீபத்திய மனுவில், (ஓய்வு பெற்றுவிட்ட) நீதிபதி அபய் எஸ். ஓகா தலைமையிலான அமர்வால் பிறப்பிக்கப்பட்ட ஏப்ரல் 28-ம் தேதி உத்தரவின் ஒரு பத்தி, பணமோசடி வழக்கு நிலுவையில் இருக்கும்போது அவர் அமைச்சராக முடியாது என்ற உத்தரவுக்குச் சமமானதல்ல என்று ஒரு விளக்கத்தை அவர் கோரினார்.

நீதிபதி சூர்ய காந்த் மற்றும் நீதிபதி ஜோய்மாலா பக்சி ஆகியோர் அடங்கிய அமர்வு, இதுதொடர்பாக தீர்ப்பு அளித்த நீதிபதி அபய்எஸ்.ஓஹா ஓய்வு பெற்றபிறகு இந்த மனுவை தாக்கல் செய்தது ஏன் என்றும், அமைச்சர் பதவியா, ஜாமீனா என முடிவு செய்து கொள்ளுங்கள் என நீதிபதிகள் கேட்டு விட்டுத்தானே ஜாமீன் வழங் கினர்? என கேள்வி எழுப்பினர்.

முந்தைய உத்தரவு செந்தில் பாலாஜியை அமைச்சராவதில் இருந்து தடுக்கவில்லை என்றும், கருத்தை மட்டுமே பதிவு செய்தது (recorded a submission) என்றும் கூறியது. இருப்பினும், அவர் அமைச்சரானால் அவரது ஜாமீனை ரத்து செய்ய முடியும் என்றும் நீதிமன்றம் கூறியது.

“இது நீதிமன்றத்தின் மனதைப் பிரதிபலிப்பதாகும். நீதிமன்றம் உங்களை அமைச்சராவதில் இருந்து தடுக்கவில்லை. ஆனால், நீங்கள் மீண்டும் அமைச்சர் ஆன நாளில் — முன்பு சாட்சிகளுக்கு செல்வாக்கு செலுத்தியதாக குற்றம் சாட்டப்பட்டிருப்பதை நினைவில் கொண்டு — அத்தகைய நிலை தென்பட்டால், ஜாமீன் மீண்டும் ரத்து செய்யப்படும்,” என்று நீதிபதி சூர்ய காந்த் தெரிவித்தார்.

செந்தில் பாலாஜி தரப்பில் ஆஜரான மூத்த வழக்கறிஞர் கபில் சிபல், செந்தில் பாலாஜியின் ஜாமீன் மனு மீதான விசாரணையின்போது நீதிபதிகள் தெரிவித்த கருத்துக்கள் தீர்ப்பில் முழுமையாக இடம்பெறவில்லை.

ஆனால் அவர்கள் உத்தரவில் தெரிவி்த்துள்ள கருத்துக்கள் மீண்டும் அமைச்சராக பதவியேற்றால் சாட்சிகளை கலைக்க நேரிடும் என்றும், ஒருவேளை சாட்சிகள் கலைக்கப்பட்டால் ஜாமீன் ரத்து செய்யப்படும் என்றும் எச்சரிக்கையாக தெரிவித்துள்ளனர். அதைத்தான் நீக்க வேண்டும் எனக்கோருகிறோம். மனுதாரர் சாட்சியங்களை கலைக்க முற்பட்டால் நீங்களே ஜாமீனை ரத்து செய்யலாம்’’ என்றார். அதற்கு நீதிமன்றம், “உண்மையில் அத்தகைய குற்றச்சாட்டுகள் அவர் மீது இருந்தன” என்று சுட்டிக்காட்டியது.

அதற்குப் பதிலளித்த சிபல், “சாட்சிகள் மீது ஆதிக்கம் செலுத்தியதாக எந்தக் குற்றச்சாட்டும் இல்லை; விசாரணை இன்னும் தொடங்கவில்லை” என்றார். இருப்பினும், நீண்டகால சிறைவாசத்தின் காரணமாகவே பிணை வழங்கப்பட்டது என்பதை நினைவூட்டிய நீதிபதிகள், “விளக்கத்தின் பெயரால் செந்தில் பாலாஜி முந்தைய உத்தரவில் ஒரு திருத்தத்தை (modification) கோருகிறார்” என்றனர்.

அவர் அமைச்சராவதைத் தடுக்க நீதிமன்றத்தால் ஆணை (mandate) பிறப்பிக்க முடியாது என்றும் சிபல் வாதிட்டார்.
வழக்கு விசாரணை முடிந்து அவர் விடுவிக்கப்படும் வரை அமைச்சராக பதவியில் தொடர விரும்பினால் அதுதொடர்பாக அனுமதி கோரி தனியாக மனு தாக்கல் செய்யுங்கள்” என்றனர் என்றனர். அப்போது மூத்த வழக்கறிஞர் கபில்சிபில், ‘‘உச்ச நீதிமன்றம் ஜாமீன் வழங்கிய ஒருநாள் இடைவெளியில் செந்தில் பாலாஜி மீண்டும் அமைச்சராக பதவியேற்றதை நீதிபதி ஓஹா கடுமையாக ஆட்சேபித்தார். பல அமைச்சர்களுக்கு எதிரான வழக்குகளில் விசாரணை நிலுவையில் இருந்து வருகிறது. எத்தனைபேர் ராஜினாமா செய்துள்ளனர். இவர் மட்டும் ஏன் ராஜினாமா செய்ய வேண்டும்” என்றார்.

செந்தில்பாலாஜி தரப்பு வாதத்தை ஏற்க மறுத்த நீதிபதிகள், தீர்ப்பில் தெரிவித்த கருத்துக்களை நீக்க வேண்டுமென்றால் இந்த அமர்வில் தீர்ப்பளித்த நீதிபதிகள் இடம்பெற வேண்டும். வழக்கில் உத்தரவு தெளிவாக உள்ளது. அதில்எந்த விளக்கமும் தேவையில்லை” என்றனர்.

மேலும், “செந்தில் பாலாஜி மனுவைத் தொடர வேண்டாம். நிபந்தனையின்றி மனுவைத் திரும்பப் பெறும்படி நாங்கள் கேட்கிறோம்,” என்று நீதிமன்றம் தெரிவித்தது. அதைத் தொடர்ந்து, செந்தில் பாலாஜியின் வழக்கறிஞர் மனுவைத் திரும்பப் பெற முடிவு செய்தார், மேலும் அது திரும்பப் பெறப்பட்டதாகத் தள்ளுபடி செய்யப்பட்டது.

விசாரணைக்கு முன்னதாக, சொலிசிட்டர் ஜெனரல் துஷார் மேத்தா இந்த மனுவை எதிர்த்தார். அவர், “முந்தைய உத்தரவையும் செந்தில் பாலாஜிக்கு எதிரான கண்டனங்களையும் பிறப்பித்த நீதிபதி ஓகா ஓய்வு பெற்ற பிறகு இது தாக்கல் செய்யப்பட்டுள்ளது; இது நல்ல நோக்கத்துடன் இல்லை” என்று கூறினார்.

மற்றொரு முன்னேற்றமாக, செந்தில் பாலாஜிக்கு எதிரான வழக்குகளை வேறு மாநிலத்துக்கு மாற்றக்கோரி ஒய்.பாலாஜி என்பவர் தாக்கல் செய்திருந்த மற்றொரு மனுவை விசாரித்த இதே நீதிபதிகள், செந்தில் பாலாஜிக்கு எதிரான வழக்குகளை ஏன் டெல்லிக்கு மாற்றக்கூடாது என கேள்வி எழுப்பினர். அதற்கு தமிழக அரசு தரப்பில் கடும் ஆட்சேபம் தெரிவிக்கப்பட்டது. அனைத்துச் சாட்சிகளும் தமிழ்நாட்டில் உள்ளதால் அது சாத்தியமில்லை என்று வழக்கறிஞர்கள் கூறினார். அதையடுத்து நீதிபதிகள், இதுதொடர்பாக தமிழக அரசும், செந்தில் பாலாஜியும் பதிலளிக்க உத்தரவிட்டு விசாரணையை டிச.12-க்கு தள்ளி வைத்துள்ளனர்.

முன்னதாக, செந்தில் பாலாஜி போக்குவரத்து அமைச்சராக இருந்தபோது நடந்த Cash-for-Jobs மோசடி தொடர்பான பணமோசடி வழக்கில் விசாரிக்கப்பட்டு வருகிறார். செந்தில் பாலாஜி அமைச்சர் பதவியில் இருந்து விலகிவிட்டார் என்ற புரிந்துணர்வின் அடிப்படையில் உச்ச நீதிமன்றம் அவருக்குச் செப்டம்பர் 2024-ல் ஜாமீன் வழங்கியிருந்தது.

இருப்பினும், பிணை பெற்ற ஓரிரு நாளிலேயே அவர் மீண்டும் அமைச்சரானார். இது சாட்சிகள் மீது ஏற்படுத்தக்கூடிய தாக்கம் குறித்த கவலைகளை எழுப்பியது. கடந்த ஏப்ரல் 23 அன்று, நீதிமன்றம் வாய்மொழியாகக் கருத்து தெரிவித்தது:

“நாங்கள் முற்றிலும் வேறு காரணங்களின் அடிப்படையில் ஜாமீன் வழங்கியிருந்தோம். சட்ட நடைமுறையையே இப்படி விளையாட்டாக எடுத்துக் கொண்டால்… உங்களை எதிர்த்து வந்த தீர்ப்பின் குறிப்புகளை புறக்கணித்தது எங்களுடைய தவறு என உத்தரவிலேயே பதிவு செய்ய வேண்டியிருக்கும். உங்களுக்கு ஒரு வாய்ப்பு அளிக்கிறோம் — பதவியா அல்லது சுதந்திரமா, ஒன்றைத் தேர்வு செய்யுங்கள்.”

இந்தக் கருத்துக்கள் செப்டம்பர் 26, 2024 தேதியிட்ட பிணை உத்தரவைத் திரும்பப் பெறக் கோரி கே. வித்யா குமார் என்பவரால் தாக்கல் செய்யப்பட்ட மனுவின் போது நீதிபதிகள் கூறியவை. பிணை கிடைத்த பிறகு செந்தில் பாலாஜி மீண்டும் அமைச்சரவை அமைச்சராக நியமிக்கப்பட்டது, பணமோசடி தடுப்புச் சட்டத்தின் (PMLA) கீழ் உள்ள வழக்கில் விசாரணையின் நேர்மையைப் பாதிக்கக்கூடும் என்று மனுதாரர் தரப்பில் வாதிடப்பட்டது.

ஜூன் 14, 2023 அன்று செந்தில் பாலாஜியைக் கைது செய்த அமலாக்கத்துறை (ED), வித்யாகுமாரின் மனுவை ஆதரித்ததுடன், அவர் சிறையில் இருந்தபோதும் தொடர்ந்து அரசியல் செல்வாக்கைப் பயன்படுத்தினார் என்று வாதிட்டது. இந்த வழக்கில் உள்ள பல சாட்சிகள் முன்னர் இவருக்குக் கீழ் பணியாற்றிய அரசு ஊழியர்கள் என்பதையும் அமலாக்கத்துறை சுட்டிக்காட்டியது. இதையடுத்து, ஏப்ரல் 23 அன்று நீதிமன்றம் அவருக்கு எதிராகக் கடுமையான கருத்துக்களைத் தெரிவித்து, அவரை ராஜினாமா செய்யக் கட்டாயப்படுத்தியது.

உச்ச நீதிமன்றத்தில் இன்றைய விசாரணையில் ஆஜரான வழக்கறிஞர்கள் : மூத்த வழக்கறிஞர்கள் கபில் சிபல், முகுல் ரோஹத்கி மற்றும் கோபால் எஸ்; சொலிசிட்டர் ஜெனரல் துஷார் மேத்தா.

Subscribe to our channels on  YouTube  & Telegram &  Tamilnadu  &  Pondicherry