இன்றைய பெண்களின் உணவு பழக்கம் தீங்கு விளைவிப்பதாக இருப்பதால், அவர்கள் கர்ப்பம் அடைய படாதபாடு பட வேண்டியதாக இருக்கிறது. குழந்தையின்மை பிரச்னையை போக்க, ஆண்களும் பெண்களும் பெரும்பாலும் விலையுயர்ந்த சிகிச்சைகளை மேற்கொள்கின்றனர்.
கரு முட்டை வளர்ச்சியுடன் சேர்த்து கர்ப்பம் அடைவதற்கு ஆரோக்கியம் நிறைந்த உணவு பழக்கமும் மிகவும் அவசியம். சமச்சீர் உணவுக்கு முக்கியத்துவம் கொடுக்க ஆயுர்வேதம் பரிந்துரைக்கிறது. சரியான ஆரோக்கியம் நிறைந்த உணவு வகைகளை உண்ண தொடங்கி விட்டால், மிக விரைவாக நீங்களும் கர்ப்பம் அடையலாம்.
கருத்தரிக்க முக்கியமானது நல்ல சினை முட்டைகளை உற்பத்தி செய்து, அவற்றை நல்ல விதமாக முதிர்ச்சி அடைய செய்வதாகும். இதை தவிர ஹார்மோன்களை சீராக வைக்க ஆரோக்கியமான உணவுகளை உட்கொள்ள வேண்டும். பாதாம், வால்நட் போன்ற நட்ஸ்களில், ஜிங்க் மற்றும் செலீனியம் போன்ற ஊட்டங்கள் உள்ளன. இது கருமுட்டை வளர்சிக்கு உதவுகிறது. கருத்தரிக்க விரும்பும் பெண்கள் தொடர்ந்து நட்ஸ்களை சாப்பிட்டு வர வேண்டும்.
சிறிய விதைகளின் பெரிய பணிகள்
சூரிய காந்தி, எள்ளு மற்றும் ஆளி விதைகளில் ஒமேகா 3 கொழுப்பு அமிலம் மற்றும் நுண்ணூட்டச்சத்துக்கள் அதிகம் இருக்கின்றன. இவற்றை தவிர, இதில் அதிகப்படியான ஆன்டி ஆக்ஸிடன்ட்கள் நிறைந்துள்ளன. இது உடலில் உள்ள கொலஸ்ட்ரால் அளவை குறைக்க உதவுகிறது. மேலும் உடலில் ரத்த ஓட்டம் சீராக இருக்கிறது. உடலில் உள்ள ஹார்மோன்களை இந்த விதைகள் சீராக வைக்க உதவுகிறது. இது போன்ற விதைகள் கர்ப்பம் அடைதலுக்கு மட்டும் உதவி புரிகிறது என்றில்லை, அவை கர்ப்ப காலத்தில் வயிற்றில் உள்ள குழந்தைகள் ஆரோக்கியத்திற்கும் உறுதுணையாய் இருக்குறது.
பச்சை காய்கறி மற்றும் கீரைகள்
பசலை கீரை, பிரகோலி மற்றும் சாலட் போன்ற பச்சை காய்கறி கீரை வகைகள் உங்களுக்கு கர்ப்பம் அடையும் சக்தியை தருகிறது. குறிப்பாக பச்சை இலை காய்கறிகளில் ஃபோலிக் அமிலம் மற்றும் கால்சியம் சத்து அதிகம் உள்ளது. இவை கரு முட்டை செயல்பாடுகளை ஊக்கப்படுத்துவதில் பெரும் பங்கு வகிக்கிறது. ஃபோலிக் அமிலம் கருத்தரிக்க மட்டுமே உதவி புரிவதில்லை, வயிற்றில் உள்ள சிசுவிற்கு எந்த பிரச்சினையும் ஏற்படாமல் காக்கிறது. மேலும் உடலில் உள்ள அதிகப்படியான ஈஸ்ட்ரோஜன் அளவை கட்டுப்படுத்துகிறது.
ஆன்டி ஆக்ஸிடன்ட்கள் நிறைந்துள்ள பழ வகைகள்
ஆன்டி ஆக்சிடென்ட்கள் மற்றும் வைட்டமின்கள் அதிகம் நிறைந்த பெர்ரி போன்ற பழங்கள் கருத்தரிப்புக்கு ஏற்ற பழங்கள் ஆகும். பெர்ரி பழங்களில் ஃபைடோ ஊட்டச்சத்துக்கள் நிறைந்து காணப்படுகின்றன. இது கொலஸ்ட்ரால் அளவை குறைக்கிறது மற்றும் உயர் இரத்த அழுத்தத்தை கட்டுப்படுத்துகிறது. இதனால் இதய பிரச்சனை எதுவும் ஏற்படாமல் இதயம் திடமான ஆரோக்கியத்துடன் இருக்கும். இதை தவிர, இதில் உள்ள ஆன்டி ஆக்ஸிடன்ட்கள் உடலில் உள்ள ஹார்மோன்களை சீராக வைக்க உதவுகிறது.
பால்
கால்சியத்துடன் சேர்ந்து பாலில் எக்கச்சக்கமான புரதம் உள்ளது. தினசரி உணவில் பால் அல்லது மோர் சேர்த்து கொள்வது நல்லது. அதிக கொழுப்புள்ள பாலுடன் ஒப்பிடும்போது, குறைந்த கொழுப்புள்ள பால் அதிகம் உட்கொள்வது கருவுறாமை அபாயத்தை உயர்த்துவதாக நிரூபிக்கப்பட்டுள்ளது என்று ஆராய்ச்சி காட்டுகிறது.
வைட்டமின் சி உடன் இரும்பை இணைக்கவும்
கருவுறுதலை அதிகரிக்க, இரும்புச்சத்தை வைட்டமின் சி மூலத்துடன் கலந்து உட்கொள்ள வேண்டும். இரும்புச்சத்து இனப்பெருக்க ஆரோக்கியத்திற்கு மிகவும் முக்கியமானது. அது வைட்டமின் சி உடன் சிறப்பாக உறிஞ்சப்படுகிறது. பச்சை இலை கீரைகளில் எலுமிச்சை சாறு சேர்த்து சாப்பிடலாம் அல்லது பீன்ஸ் உடன் கேப்சிகம் கலந்து சாப்பிடலாம்.
புரோபயாடிக்குகளைச் சேர்க்கவும்
புரோபயாடிக்குகள் குடல் ஆரோக்கியத்தை மேம்படுத்துகிறது. இது ஹார்மோன்களை சமநிலைப்படுத்துகிறது மற்றும் ஊட்டச்சத்து உறிஞ்சுதலை ஊக்குவிக்கிறது. எனவே, குடல் ஆரோக்கியத்தில் நன்மை பயக்கும் பாக்டீரியாக்களுக்கு தயிர், கேஃபிர், சார்க்ராட் மற்றும் இட்லி போன்ற புளித்த உணவுகளை உங்கள் உணவில் சேர்த்துக் கொள்ளுங்கள்.
இரும்பு பாத்திரங்களில் சமைக்கவும்
இரும்புடன் சமைப்பது இயற்கையாகவே உங்கள் உணவில் இரும்புச் சத்தின் அளவை அதிகரிக்கிறது. இது கருவுறுதலை மேம்படுத்த விரும்பும் பெண்களுக்கு நன்மை பயக்கும். கறிகள், பருப்பு அல்லது பிற அன்றாட உணவுகளை தயாரிக்க வார்ப்பிரும்பு பாத்திரங்களைப் பயன்படுத்தலாம்.
தானியங்களை ஊறவைத்து சாப்பிடவும்
தானியங்களில் பைடிக் அமிலம் உள்ளது. இது கருவுறுதலுக்கு அவசியமான துத்தநாகம் மற்றும் இரும்புச்சத்து உள்ளிட்ட ஊட்டச்சத்துக்களை உறிஞ்சுவதில் தலையிடலாம். அத்தகைய சூழ்நிலையில், பைடிக் அமிலத்தைக் குறைப்பதற்கும் செரிமானத்தை மேம்படுத்துவதற்கும் அரிசி, குயினோவா மற்றும் பருப்பு போன்ற தானியங்களை சமைப்பதற்கு முன் சில மணி நேரம் ஊறவைக்க வேண்டும்.
இரும்புச்சத்துடன் கால்சியம் கலந்து சாப்பிடுவதைத் தவிர்க்கவும்
இரும்பு உறிஞ்சுதலில் கால்சியம் தலையிடலாம். இது உங்கள் உடலுக்கு போதுமான இரும்பு கிடைக்காவிட்டால் கருவுறுதலை பாதிக்கும். இரும்புச்சத்து நிறைந்த உணவுகளை கீரை அல்லது பீன்ஸ் போன்றவற்றை பால் பொருட்களுடன் கலப்பதைத் தவிர்க்கவும். அதற்கு பதிலாக, உறிஞ்சுதலை அதிகரிக்க கால்சியத்தை தனித்தனியாக எடுத்துக் கொள்ளுங்கள்.
Image Source : Getty Image.
Subscribe to our channels on YouTube & Telegram & 
Tamilnadu & Pondicherry