உலகத்தில் மிகப்பெரிய புதிர்களில் ஒன்றாக இருக்கிறது: ஒரே கருவில் உள்ள ஒரே செலிலிருந்து, தோல், மூளை, இரத்தம், சிறுநீரகம், எலும்பு என நூற்றுக்கணக்கான வகை வகையான திசுக்கள் எப்படி உருவாகின்றன? இந்த செல், எந்த திசுவாக மாற வேண்டும் என்பதையும், எந்த நேரத்தில் மாற வேண்டும் என்பதையும் எப்படி ‘தெரிந்து’ செயற்படுகிறது?
இந்தக் கேள்விக்கு முழுமையான பதிலை அறிவியல் உலகம் பல தசாப்தங்களாக தேடி வருகிறது. ஆனால் இப்போது, ஒரு புதிய விஞ்ஞான கண்டுபிடிப்பு – LoxCode என்ற தொழில்நுட்பம் – இந்த உயிரியல் புதிருக்குச் சரியான விசையைத் திறக்கக்கூடியதாக இருக்கிறது.
Also Read : உயிருக்கும் மரணத்திற்கும் இடைப்பட்ட “மூன்றாம் நிலை”: மருத்துவ உலகில் புதிய சகாப்தம்!
ஒரு செலுக்கு தனி அடையாளம்!
ஆஸ்திரேலியாவின் வால்டர் மற்றும் எலிசா ஹால் இன்ஸ்டிட்யூட் (WEHI) விஞ்ஞானிகள் உருவாக்கியுள்ள LoxCode தொழில்நுட்பம், ஒரு கருவில் உள்ள ஒவ்வொரு செலுக்கும் தனிப்பட்ட DNA குறியீடு (Barcode) கொடுக்கும். இந்த குறியீடு, அந்த செலின் பரம்பரையில் உருவாகும் அனைத்து சந்ததிச் செல்களுக்கும் தொடர்ச்சியாக செல்லும்.
இதன் மூலம், ஒரே செலிலிருந்து எவ்வாறு வளர்ச்சி நடைமுறை நடைபெறுகிறது, எந்த திசுக்கள் எங்கு உருவாகின்றன என்பதை, பின்னர் ஒரு மரபணு வரிசைமுறை (DNA Sequencing) மூலம் மிகத் தெளிவாகக் கண்டறிய முடிகிறது.
அதிக துல்லியம் – குறைந்த சேதம்
முந்தைய உதிரி கண்காணிப்பு முறைகள், வைரஸ்கள் அல்லது CRISPR(Clustered regularly interspaced short palindromic repeats – மரபணு திருத்தம் (Genome editing) அல்லது மரபணுத்தொகுப்பு திருத்தம் எனலாம். இது ஒரு மரபணுத்தொகுப்பை (Genome) மாற்றியமைக்கும் ஒரு தொழில்நுட்பமாகும்) போன்ற அமைப்புகளை பயன்படுத்தியதால் உயிரணுக்களில் சில சேதங்களை ஏற்படுத்தின.
ஆனால் LoxCode-இல் 13 சிறிய DNA துண்டுகள் மட்டுமே பயன்படுத்தப்படுவதால், இவை மிகவும் மென்மையானதும் பாதுகாப்பானதும் ஆகும். இதற்குப் பின், அவர்கள் ஒரு சிறப்பு வகை சுண்டெலியை உருவாக்கியுள்ளனர் – strain 037677, இது ஆய்வகங்களில் பரிமாற்றத்துக்குப் பயன்படுத்தப்படுகிறது.
திசுக்களின் வரலாறு கணக்கீடு!
LoxCode உபயோகப்படுத்தப்பட்ட கருவில், 5.5வது நாளில் (கருவின் ஆரம்ப வளர்ச்சி காலம்) பார்கோடு செலுத்தப்பட்டது. 7 நாட்களில் முழுமையாக வளர்ந்த பிறகு, ஒவ்வொரு செல்லிலும் அந்த குறியீடுகளை படித்து, எந்த செல் எந்த உறுப்பின் திசுவாக மாறியது என்பதை விஞ்ஞானிகள் கண்டறிந்தனர். இதன் மூலம் கருவில் முன்னமே ‘விதி சார்பு’ (fate bias) தோன்றுவதை நிரூபிக்க முடிந்தது. எடுத்துக்காட்டாக, இடது சிறுநீரகம் மற்றும் வலது சிறுநீரகம், வேறுபட்ட செல்கள் மூலம் உருவாகியிருந்தன – இது கருவில் சமச்சீரற்ற தன்மை ஏற்கனவே தொடங்கிவிட்டது என்பதைக் குறிக்கிறது.
Also Read : குழந்தை பெறுவதை தவிர்க்கும் தம்பதிகள் – ‘DINK’ வாழ்க்கை முறை பற்றிய முழுமையான பார்வை!
மருத்துவத்தில் இதன் பங்கு என்ன?
* பல பிறவிக் குறைபாடுகள், கருவின் முதற்கட்டத்தில் தவறான செல்கள் பங்கு பெறுவதால் ஏற்படுகிறது.
* LoxCode மூலம் அந்த தவறான செல்களை முன்கூட்டியே அடையாளம் காண முடியும்.
* Gene Therapy மூலம் பிழையான செல்களை மாற்றுவது, இப்போது ஓர் இலக்காக இருக்கிறது.
* பக்கவாதம், புற்றுநோய் மீள்பிறப்பு, உறுப்புத் திசு உருவாக்கம் போன்றவை – எல்லாம் LoxCode பாணியில் புதிய கோணங்களில் ஆய்வு செய்யப்படுகின்றன.
மூன்றாம் கண் திறக்கும் LoxCode!
LoxCode என்பது ஒரு சாதாரண உயிரியல் முயற்சி அல்ல. இது ஒரு உயிரின் திட்ட வரைபடத்தை உருவாக்கும் மனித அறிவாற்றலின் சான்று. ஒரு செல்லின் உள்நிலைத் தீர்மானங்களை, அந்த முடிவுகள் எதிர்கொள்ளும் தாக்கங்களை, அதை நாம் சிந்தித்தே பார்க்கவில்லை. இப்போது அதற்கான வாய்ப்பு விஞ்ஞானம் நமக்குத் தந்திருக்கிறது.
இப்போது, ஒரு உயிரணுவின் பூரண வாழ்க்கைப் பயணம், ஆரம்ப செலிலிருந்தே அதன் சந்ததிகள் வரை பின்தொடர முடிகிறது. மனித உடலின் மிகமுக்கியமான உறுப்புகள், திசுக்கள் எங்கே தவறுகின்றன, எப்போது தவறுகின்றன – என்பதை அறிவியலின் மேசையில் வைத்து தீர்வு காண முடிகிறது. LoxCode, சின்ன உதவியாய் தோன்றலாம். ஆனால் அதன் தாக்கம், மருத்துவத்தின் எதிர்கால முகமூடியை மாற்றக்கூடிய அளவுக்கு பெரிதாக இருக்கிறது.
📌 முக்கிய அம்சங்கள்:
* ஒவ்வொரு செலுக்கும் தனிப்பட்ட DNA குறியீடு வழங்கும் ‘LoxCode’
* 30 பில்லியன் பார்கோடுகளை உருவாக்கும் சக்தி
* மனித உடலின் வலது–இடது வேறுபாடுகளுக்கு அடிப்படை கண்டுபிடிப்பு
* பிறவி குறைபாடுகள், பக்கவாத சிகிச்சை, உடல் உறுப்புத் தயாரிப்பு — அனைத்திற்கும் புதிய வாசல்
* திசு பொறியியல், மரபணு சிகிச்சை, மற்றும் உயிரணுக் குடும்ப மரபுகளை கணிக்கக் கூடிய எளிய தொழில்நுட்பம்
Summary :
ஒரு கருவில் ஒரு உயிரணு எப்படி முட்டையின் தோலாக, மூளையாக, இரத்தமாக மாறுகிறது? இது உயிரியல் மற்றும் மருத்துவ உலகில் நூற்றாண்டு பழமையான கேள்வி. ஆனால் தற்போது ‘LoxCode’ எனும் புதிய டெக்னாலஜி, ஒவ்வொரு செல்லின் வாழ்க்கைப் பயணத்தையும் பார்கோடு செய்யும் அதிசயத் தொழில்நுட்பமாக வருகை தந்துள்ளது. இதன் மூலம், பிறவி குறைபாடுகள் எப்போது, எங்கே தோன்றுகின்றன என்பதை முன்கூட்டியே கண்டறிந்து தடுக்கும் வாய்ப்பு உருவாகியுள்ளது.
இந்தக் கட்டுரை, Cell என்ற உலக புகழ் மருத்துவ பத்திரிகையில் வெளியாகியுள்ள ஆய்வின் அடிப்படையில் தயாரிக்கப்பட்டது.
Subscribe to our channels on YouTube & Telegram & 
Tamilnadu & Pondicherry