குழந்தைகள், பெரியவர்கள் என அனைவருமே சந்திக்கும் ஒரு பொதுவான பிரச்சனையாக பல் கூச்சம் இருக்கிறது. ஈறுகளில் பிரச்சனை இருந்தாலும் பல்கூச்சம் வரலாம், சிலருக்கு வைட்டமின் குறைபாடு இருந்தாலும் பற் கூச்சம் வரலாம். பற்களுக்கு ப்ளீச்சிங் செய்தாலும் கூச்ச உணர்வு வரலாம். சிலருக்கு மழைக்காலங்களில் பற்களில் கூச்சம் வரலாம். மிகவும் சூடான அல்லது குளிர்ச்சியான பொருட்களை சாப்பிடும்போதும் பற்களில் கூச்சம் வரும்.
பல் கூச்சம் தொடக்கத்தில் சிறிய விஷயமாகக் கருதப்பட்டாலும், அன்றாட வாழ்வில் பல்வேறு அசௌகரியங்களை ஏற்படுத்துகிறது. எனவே தான் தண்ணீர் குடிப்பது, இனிப்புப் பண்டம் உட்கொள்வது உள்ளிட்ட சாதாரண செயல்பாடுகளும் கூட பல் கூச்சத்தை ஏற்படுத்தலாம்.
Also Read : எந்தக் கிழமையில் பெரும்பாலானோருக்கு ஹார்ட் அட்டாக் வருகிறது தெரியுமா? அதிர்ச்சியூட்டும் தகவல்..!
இனிப்பு உணவுகள் மட்டுமல்லாமல், பல் உணர்திறன்(Sensitivity) கொண்ட ஐஸ்கிரீம், சூடான காபி போன்றவைகள் கூட பதற்றத்தைத் தூண்டும் அனுபவங்களாக மாற்றுகிறது. எனவே பல் உணர்திறன் பற்றித் தெரிந்து கொள்வதற்கு முன்னால், அதற்கான காரணங்களைப் பற்றித் தெரிந்து கொள்வது நல்லது. அதிர்ஷ்டவசமாக, உணர்திறன் வாய்ந்த பற்களுக்கு சில வீட்டு வைத்தியங்கள் உதவுகிறது. இதில் பல் கூச்ச அசௌகரியத்தைத் தணிக்க உதவும் சில ஆரோக்கியமான வீட்டு வைத்தியங்களைக் காணலாம்.
பல் உணர்திறன் என்றால் என்ன?
பல் உணர்திறன் ஆனது டென்டின் ஹைபர்சென்சிட்டிவிட்டி(Dentin Hypersensitivity) என்று அழைக்கப்படுகிறது. பொதுவாக, பற்களின் மென்மையான உள் அடுக்கு, டென்டின் என அழைக்கப்படுகிறது. இந்த டென்டின் வெளிப்பாடு காரணமாகவே பற்களில் உணர்திறன் ஏற்படுகிறது. இது பல்வேறு காரணங்களுக்காக ஏற்படக்கூடியதாகும். இதன் காரணமாக, சூடான, குளிர், இனிப்பு அல்லது அமில உணவுகளை உண்ணும்போது வலி அல்லது அசௌகரியம் ஏற்படுகிறது.
பல் உணர்திறன் ஏற்படுவதற்கான காரணங்கள்
- ஈறுகள் பற்களிலிருந்து விலகிச் செல்லும்போது, உணர்திறன் வாய்ந்த வேர் மேற்பரப்புகள் வெளிப்படுகிறது. இது அசௌகரியத்தைத் தருகிறது.
- பற்களின் பாதுகாப்பான வெளிப்புற அடுக்கு, ஆக்ரோஷமான பல் துலக்குதல், அமில உணவுகள் அல்லது சோடா மற்றும் சிட்ரஸ் போன்ற பானங்கள் காரணமாக தேய்ந்து போக வாய்ப்புள்ளது.
- துவாரங்கள் பற்களை பலவீனப்படுத்தி, டென்டினை வெளிப்படுத்துவதால் இது உணர்திறனை அதிகரிக்கிறது.
Also Read : கோபக்காரன் என பெருமைப்படுபவரா நீங்கள்..? உடல் ஆரோக்கியத்தையே புரட்டிப்போடும் கோபம் பற்றி தெரியுமா?
உணர்திறன் வாய்ந்த பற்களுக்கான வீட்டு வைத்தியம்
அன்றாட வழக்கத்தில் உணர்திறன் வாய்ந்த பற்களுக்குச் சில பயனுள்ள மற்றும் மென்மையான வீட்டு வைத்தியங்கள் உதவுகின்றன.
தேங்காய் எண்ணெய் மிகச்சிறந்த வலி நிவாரணி. எனவே, தேங்காய் எண்ணெய் ஒரு டீஸ்பூன் வாயில் ஊற்றி 30 முதல் 60 விநாடிகள் வாயில் வைத்திருந்து, நன்றாகக் கொப்பளித்து துப்பி விடவும். தினமும் காலையில் இதைச் செய்து வந்தால் படிப்படியாக பல் கூச்சம் குறையும். கொய்யா இலைகள் நான்கைந்து எடுத்து கழுவி, பற்களில் படும்படி 2 நிமிடங்கள் மென்று உமிழ வேண்டும். தினமும் இரண்டு முறை இப்படி மென்று உமிழ்ந்து வந்தால் ஓரளவு பலன் தரும்.
ஒரு பல் பூண்டு எடுத்து, தண்ணீரில் தொட்டு, கல்உப்பு சேர்த்து நசுக்கிவிடவேண்டும். இந்த கலவையை பல்லில் 15 நிமிடங்கள் வைத்திருந்து வாய் கொப்பளித்து வந்தாலும் பல் கூச்சம் குறையும். வெங்காயத்தையும் இப்படி பயன்படுத்தலாம். ஒரு சிறிய துண்டு எடுத்து, ஈறுகளில் படும்படி 10 நிமிடங்கள் வைத்து, துப்பிவிடலாம். வெதுவெதுப்பான உப்பு நீர் கிருமிகளை அழித்துவிடுவதால், பல் கூச்சத்திலிருந்து மெல்ல, மெல்ல விடுபடலாம். தினமும் பல் துலக்கியதும், வெதுவெதுப்பான நீரில், சிறிது கல் உப்பு சேர்த்து கரைத்து, ஈறுகளில் படுமாறு 2-3 நிமிடங்கள் வைத்திருந்து, கொப்பளித்தாலும் பல்கூச்சம் குறையும்.
சிறிதளவு கிரீன் டீயை அருந்துவது, ஆறுதலான பானம் மட்டுமல்லாமல், பற்களுக்கு சிகிச்சையளிக்கவும் உதவுகிறது. கிரீன் டீயில் ஆக்ஸிஜனேற்றிகள் மற்றும் அழற்சி எதிர்ப்பு சேர்மங்கள் நிறைந்துள்ளது. எனவே கிரீன் டீ அருந்துவது ஒட்டுமொத்த வாய்வழி ஆரோக்கியத்தை மேம்படுத்துவதோடு, உணர்திறனையும் தடுக்க உதவுகிறது.
பற்களின் கூச்சமின்மையைத் தவிர்க்க இயற்கையான தேர்வாக அன்றாட உணவில் சேர்க்கப்படும் சிறந்த மூலிகைகளில் ஒன்றான மஞ்சளைப் பயன்படுத்தலாம். இதற்கு, மஞ்சள் தூளை தண்ணீருடன் சேர்த்து பேஸ்ட் செய்து, பாதிக்கப்பட்ட பகுதிகளில் தடவ வேண்டும். மஞ்சளில் நிறைந்துள்ள அழற்சி எதிர்ப்பு பண்புகள் ஈறுகளை ஆற்றவும், அசௌகரியத்தை போக்கவும் உதவுகிறது.
கிராம்பு தைலம் பற்களுக்கு ஒரு சிறந்த வலி நிவாரணியாக அமைகிறது. இது இயற்கையாகவே பாக்டீரியா எதிர்ப்பு பண்புகளைக் கொண்டதாகும். இதற்கு ஒரு பருத்தி துணியில் சிறிது நீர்த்த கிராம்பு எண்ணெயைத் தடவி, உணர்திறன் வாய்ந்த பற்களில் தடவ வேண்டும்.
Also Read : பொட்டுக்கடலையை சாதாரணமா நினைச்சுட்டீங்களா..? ஒரே கைப்பிடி..! கொட்டிக்கிடக்கும் நன்மைகள்!
உப்பு நீரில் வாயைக் கொப்பளிப்பது வீக்கத்தைக் குறைக்கவும், உணர்திறன் வாய்ந்த பகுதிகளில் எரிச்சலூட்டும் துகள்களை அகற்றவும் உதவுகிறது. இதற்கு வெதுவெதுப்பான நீரில் அரை டீஸ்பூன் அளவு உப்பைச் சேர்த்து 30 – 40 விநாடிகள் வாயில் வைத்து கொப்பளித்த பிறகு கழுவிக் கொள்ளலாம்.
உணர்திறனை நீக்கும் பற்பசைகளைப் பயன்படுத்துவது அசௌகரியத்தை நீக்க உதவுகிறது. இந்த பேஸ்ட்களில் பொட்டாசியம் நைட்ரேட் அல்லது ஸ்டானஸ் ஃப்ளோரைடு காணப்படும். இது பற்களில் உள்ள நரம்புகளை அடையும் உணர்வுகளைத் தடுக்கிறது. இந்த வழக்கமான பயன்பாடு பற்சிப்பியை வலுப்படுத்தவும், காலப்போக்கில் உணர்திறனை கணிசமாக மேம்படுத்தவும் உதவுகிறது.
Summary : புளிப்பான பொருள்களை எடுத்துகொள்ளும்போது பற்களில் கூச்சம் வரும். குளிர்ந்த பொருளை சாப்பிடும்போது பற்கூச்சம் வரலாம். சொத்தை இருக்கும்போது பற்களில் கூச்சம் வரலாம். இப்படி எத்தனையோ காரணங்கள் பற்களின் கூச்சத்துக்கு இருப்பதால், இதற்கெல்லாம் டாக்டரை நேரில் சந்தித்து, அதற்கான சிகிச்சையை மேற்கொள்வதுதான் சிறந்தது.
பிரச்னைக்கான மூல காரணத்தை சரிசெய்யாமல், தற்காலிக தீர்வுகளை கடைப்பிடித்தால், நாளடைவில் பிரச்சனைகள் அதிகமாகிவிடும். பற்களில் எனாமல் என்பது மிகவும் முக்கியம்.. இதை பாதுகாத்தாலே, பற்கூச்சம் வராமல் தடுக்கலாம். தற்காலிகமாக ஒருசில வீட்டு வைத்தியங்களை செய்து கொண்டு, டாக்டரை உடனடியாக சென்று சந்தித்து விட வேண்டும்.
முக்கியமாக, பற்களை பொறுமையாக துலக்க வேண்டும். புதினா கலந்த பேஸ்ட்டை பயன்படுத்தினால் நல்லது. அமில உணவுகளை குறைத்து, சிட்ரஸ் நிறைய இருக்கும் உணவுகளை குறைத்து, சரியான உணவுகளை தேர்ந்தெடுத்தாலே போதும். எனினும் இதெல்லாம் தற்காலிகம்தானே தவிர, பல் டாக்டரிடம் நேரடியாகவே சென்று ஆலோசனை பெறுவது நல்லது.
Disclaimer : Discuss your tooth sensitivity and any potential natural remedies with your dentist to ensure they are safe and appropriate for your specific situation. This is especially important if you have any underlying medical conditions, allergies, or are pregnant or breastfeeding.
Image Source : Getty Image.
Subscribe to our channels on YouTube & Telegram & 
Tamilnadu & Pondicherry