வாழ்க்கையில் எதுவும் நிரந்தரமல்ல — வேலை, உடல் நலம், வருமானம் என அனைத்தும் எப்போது வேண்டுமானாலும் மாறிவிடலாம். பல ஊழியர்கள் தங்களுக்குக் கிடைக்கும் நிறுவனக் காப்பீட்டில் நம்பிக்கையுடன் இருக்கிறார்கள். ஆனால், அது போதுமா?
விபத்து, தீவிர நோய், மருத்துவ சிகிச்சை, மகப்பேறு — இவையெல்லாம் யாரையும் விட்டுவைக்காது. அதனால், ஒவ்வொருவரும் திட்டமிட்டு சில முக்கியமான காப்பீட்டுகளை கட்டாயமாக எடுத்துக்கொள்ள வேண்டும்.
Also Read : மெடிக்கல் இன்ஷுரன்ஸ் உங்களுக்கு மட்டுமானதல்ல…! செல்லப் பிராணிகளுக்கும் அவசியம்! Pet Insurance!
📌 மருத்துவக் காப்பீடு
நீங்கள் எவ்வளவு சேமித்திருந்தாலும், ஒரு பெரிய மருத்துவச் செலவு உங்கள் சேமிப்பை முழுவதுமாக கரைத்து விடக்கூடும். Watson Global Medical Report 2024-ன் படி, மருத்துவச் செலவுகள் வருடத்துக்கு 14% உயருகின்றன.
✅ என்ன செய்ய வேண்டும்?
* குறைந்தது ₹10-15 லட்சம் மதிப்புள்ள குடும்ப மருத்துவக் காப்பீடு.
* மகப்பேறு, வெளி நோயாளி, தீவிர நோய் போன்ற Rider-களை சேர்க்கவும்.
* ரூ.5 லட்சம் deductible உடன் ₹20 லட்சம் சூப்பர் டாப்-அப் காப்பீடு – செலவு ரூ.2,500 முதல் ₹4,000.
📌 கால ஆயுள் காப்பீடு (Term Insurance)
உங்கள் குடும்பத்தின் எதிர்காலத்தைக் காப்பதற்கான மிகச் சிறந்த, மலிவான வழி – டெர்ம் இன்சூரன்ஸ்.
✅ என்ன செய்ய வேண்டும்?
* உங்கள் ஆண்டு வருமானத்தின் 15-20 மடங்கு காப்பீட்டு தொகையை தேர்வு செய்யுங்கள்.
* 65 வயது வரை premium செலுத்தும் திட்டங்களை தேர்ந்தெடுங்கள்.
* ULIP அல்லது Money Back திட்டங்களை தவிர்க்கவும்.
📌 விபத்து காப்பீடு
NCRB 2022 புள்ளிவிவரங்கள் படி, இந்தியாவில் ஒவ்வொரு 2 நிமிடத்துக்கும் ஒருவர் விபத்தில் மாற்றுத் திறனாளியாக்கிறார். ஆனால், இதற்காக தனியான காப்பீடு எடுக்காமல் இருப்பது ஆபத்தானது.
✅ முக்கிய அம்சங்கள்:
* நிரந்தர பாதிப்புகளுக்கு பெரிய தொகை
* தற்காலிக பாதிப்புக்கு வாரந்தோறும் வருமானம்
* ₹10 லட்சம் காப்பீடுக்கு ₹1,000 மட்டுமே செலவு
* PM Suraksha Bima Yojana – ₹19-க்கு ₹2 லட்சம் காப்பீடு
📌 தீவிர நோய் காப்பீடு
மாரடைப்பு, புற்றுநோய் போன்ற நோய்களுக்கு எத்தனை மாசக் காப்பீடு இருந்தாலும் போதாது. இவை நேரடியாக பண வருமான இழப்பை ஏற்படுத்தும்.
✅ இதைத் தவிர்க்க:
* ₹10-25 லட்சம் வரை காப்பீடு.
* நோய் கண்டறியப்படும் போதே முழுத் தொகை வழங்கப்படும்.
📌 மகப்பேறு மற்றும் கருவுறுதல் காப்பீடு
மருத்துவக் காப்பீடுகளில் இந்த அம்சங்கள் அதிக கட்டுப்பாடுகளுடன் இருக்கின்றன. IVF, Delivery, Pre/Post-natal Care ஆகியவை பொதுவாக சேர்க்கப்படுவதில்லை.
✅ என்ன செய்ய வேண்டும்?
* ₹1-2 லட்சம் மதிப்புள்ள தனி மகப்பேறு காப்பீட்டு திட்டங்களை தேடுங்கள்.
* 2-4 ஆண்டுகள் காத்திருக்கும் காலம் இருப்பதை நினைவில் கொள்ளுங்கள்.
* IVF, கருவுற இயலாமை போன்ற சலுகைகள் உள்ள நிறுவனங்களை தேர்வுசெய்யுங்கள்.
📌 எல்லா திட்டங்களையும் சேர்த்தால்..?
பொதுவாக இந்த அனைத்து திட்டங்களையும் சேர்த்தாலும் ஆண்டுக்கு ₹25,000 க்கும் அதிகமாக செலவாகாது — மாதத்திற்கு ₹2,200 மட்டுமே.
🔚 முடிவாக..!
வாழ்க்கையைப் பாதுகாக்கும் சிறந்த முதலீடு — காப்பீடு. இன்று பணமில்லை என்றாலும், காப்பீடு உங்கள் எதிர்காலத்தை பாதுகாக்கும். இது ஆடம்பரமல்ல. உயிர் நாடி! உங்கள் குடும்பத்தினர், உறவினர் மற்றும் நண்பர்களின் நலனுக்காகவும், எதிர்கால நம்பிக்கைக்காகவும் இந்தத் தகவல்களை அனைவருக்கும் பகிருங்கள்.
Subscribe to our channels on YouTube & Telegram & 
Tamilnadu & Pondicherry