நம்மில் பலர் அன்றாடம் செய்யும் ஒரு பழக்கம், ஆனால் அது ஏற்படுத்தும் ஆபத்துகள் பற்றி எத்தனை பேருக்குத் தெரியும்? காய்கறிகளை வாங்கியதும் அப்படியே பிளாஸ்டிக் பைகளில் போட்டு ஃபிரிட்ஜில் வைப்போம். இந்திய வீடுகளில் மட்டுமல்ல, உலகம் முழுவதும் இதுதான் நிலை. ஆனால், இந்த சின்னஞ்சிறிய பழக்கம் மிகப்பெரிய உடல்நலப் பிரச்சனைகளை உண்டாக்கலாம் என்பதுதான் அதிர்ச்சிக்குரிய உண்மை.
பிளாஸ்டிக்: ஓர் அமைதியான கொலையாளி!
சமீபத்திய ஆய்வுகள், பிளாஸ்டிக் பைகள் அல்லது பிளாஸ்டிக் கொள்கலன்களில் உணவுப் பொருட்களைச் சேமிப்பது நமது ஆரோக்கியத்திற்கு மிகவும் தீங்கு விளைவிக்கும் என்று எச்சரிக்கின்றன. NPJ சயின்ஸ் ஆஃப் ஃபுட் (NPJ Science of Food) இதழில் வெளியிடப்பட்ட ஓர் ஆய்வு, கண்ணாடி மற்றும் பிளாஸ்டிக் கொள்கலன்களின் மூடிகளைத் திரும்பத் திரும்பத் திறக்கும்போதும் மூடும்போதும், நம் கண்ணுக்குத் தெரியாத மைக்ரோபிளாஸ்டிக் மற்றும் நானோபிளாஸ்டிக் துகள்கள் வெளியாகி, உணவு அல்லது பானத்தில் கலக்கின்றன என்று விளக்குகிறது.
உதாரணமாக, ஒரு பாட்டிலைத் திறக்கும் ஒவ்வொரு முறையும் மைக்ரோபிளாஸ்டிக் எண்ணிக்கை அதிகரிப்பதாக ஆய்வுகள் தெரிவிக்கின்றன. பீர், டின்னில் அடைக்கப்பட்ட மீன், அரிசி, மினரல் வாட்டர், தேநீர் பைகள், உப்பு, எடுத்துச் செல்லும் உணவு மற்றும் குளிர்பானங்கள் எனப் பலவற்றிலும் இந்த பிளாஸ்டிக் துகள்கள் கண்டறியப்பட்டுள்ளன.
மைக்ரோபிளாஸ்டிக்ஸ் என்றால் என்ன?
மைக்ரோபிளாஸ்டிக்ஸ் என்பவை மிகச் சிறிய பிளாஸ்டிக் துகள்கள். இவை பிளாஸ்டிக் உடையும்போது உருவாகின்றன, சில சமயங்களில் கண்ணுக்கே தெரியாது. விஞ்ஞானிகள் கூற்றுப்படி, ஒவ்வொரு பிளாஸ்டிக் பொருளிலும், ஏன் நாம் உண்ணும் பல உணவுப் பொருட்களிலும் கூட இவை இருக்கின்றன. சமீபத்திய ஆய்வுகள், மைக்ரோபிளாஸ்டிக் நமது உணவை எப்படி மாசுபடுத்துகிறது, ஆரோக்கியத்தில் என்னென்ன மோசமான விளைவுகளை ஏற்படுத்துகிறது என்பதைத் தெளிவாக விளக்குகின்றன.
Also Read : விந்தணுவிலும், கருமுட்டையிலும் மைக்ரோ பிளாஸ்டிக் துகள்கள்: மனித இனப்பெருக்கத்திற்கு பேராபத்து!
பிளாஸ்டிக் பைகளில் உணவை வைப்பது ஏன் ஆபத்தானது?
பிளாஸ்டிக் நம்மைச் சுற்றியுள்ள எல்லா இடங்களிலும் இருக்கிறது. உணவு, பானங்கள், பாத்திரங்கள் என எதுவாக இருந்தாலும் சரி, மைக்ரோபிளாஸ்டிக் நம் உணவு, பானங்கள் மற்றும் சமையலறையில் மிக வேகமாகக் கலக்கிறது. இந்தத் துகள்கள் மிகவும் சிறியதாக இருப்பதால், நம் திசுக்களில் எளிதில் உறிஞ்சப்பட்டு, இரத்தத்தின் வழியாக உடல் முழுவதும் பரவுகின்றன. சோதிக்கப்பட்ட பேக் செய்யப்பட்ட உணவுகளில் 96% வரை மைக்ரோபிளாஸ்டிக் இருப்பது கண்டறியப்பட்டதாக ஆய்வுகள் தெரிவிக்கின்றன.
மைக்ரோபிளாஸ்டிக்கால் வரும் சிக்கல்கள்:
மைக்ரோபிளாஸ்டிக் மனித இரத்தம், நுரையீரல் மற்றும் மூளைக்குள் கூட பரவி வருவதாகச் சமீபத்திய ஆய்வுகள் காட்டுகின்றன. 80% மக்களின் இரத்தத்தில் மைக்ரோபிளாஸ்டிக் இருப்பது கண்டறியப்பட்டுள்ளது என்றால் அதிர்ச்சியாக இருக்கிறதல்லவா? இது இதய நோய் அபாயத்தையும் அதிகரிக்கிறது. 58% மக்களின் தமனிகளில் மைக்ரோபிளாஸ்டிக் இருப்பது மற்றொரு ஆய்வில் கண்டறியப்பட்டுள்ளது.
Also Read : விளை நிலங்களில் மைக்ரோபிளாஸ்டிக் மாசுபாடு! மனித உடலில் பிளாஸ்டிக் துகள்கள்: அச்சுறுத்தும் உயிரியல் பேரழிவு!
ஹார்வர்ட் ஆராய்ச்சியாளர்கள் மைக்ரோபிளாஸ்டிக்ஸால் ஏற்படும் நாள்பட்ட அழற்சி (Chronic Inflammation) குறித்து குறிப்பாக கவலை தெரிவித்துள்ளனர். இதன் விளைவாக உடலில் வீக்கம் ஏற்படுகிறது, அது நீண்ட காலம் நீடிக்கும். உடலில் நீண்டகால வீக்கம் இதய நோய், தன்னுடல் தாக்க நோய்கள் (Autoimmune Diseases) மற்றும் புற்றுநோய் போன்ற கடுமையான நோய்களின் அபாயத்தை அதிகரிக்கும்.
பிளாஸ்டிக் பைகளைப் பயன்படுத்தாமல் காய்கறிகளை எப்படிச் சேமிப்பது?
ஆபத்தை அறிந்த நாம், சரியான தீர்வுகளையும் தெரிந்துகொள்வது அவசியம். காய்கறிகள் அல்லது பிற பொருட்களை பிளாஸ்டிக் பைகளில் சேமிப்பதற்குப் பதிலாக, வேறு முறைகளைப் பயன்படுத்தலாம்:
* கண்ணி பைகள் (Mesh Bags): இவை காய்கறிகளை சுவாசிக்க அனுமதிக்கும்.
* எஃகு பாத்திரங்கள் (Steel Containers): பாதுகாப்பானது மற்றும் மீண்டும் பயன்படுத்தக்கூடியது.
* கூடைகள் (Baskets): பாரம்பரியமான, காற்றோட்டமான சேமிப்பு முறை.
இன்னொரு முக்கியமான குறிப்பு: உங்களுக்குத் தேவையான அளவுக்கு மட்டும் காய்கறிகள் அல்லது பழங்களை வாங்குங்கள். ஷாப்பிங் செய்யும்போது துணிப் பைகள் அல்லது கண்ணி பைகளை உடன் எடுத்துச் செல்வது மிகவும் நல்லது.
Subscribe to our channels on YouTube & Telegram & 
Tamilnadu & Pondicherry