அரிசி நமக்கு ஆற்றலை அளிப்பதோடு, பல்வேறு ஊட்டச்சத்துக்களையும் வழங்குகிறது. ஆனால், அரிசியை சமைப்பதற்கு முன் அதை ஊறவைப்பது நமது உடல் நலனுக்கு எவ்வாறு உதவுகிறது என்பது பலருக்கு தெரியாது. மைக்ரோவேவ் ஓவன் போன்ற பல நவீன கிச்சன் உபகரணங்கள் நம் வாழ்க்கையை எளிதாக்குகின்றன. ஆனால் தற்கால நவீன மற்றும் வேகமான வாழ்க்கை முறையில் நம்முடைய பாரம்பரிய சமையல் முறைகளையும், அவை அளிக்கும் ஆரோக்கிய நன்மைகளையும் நாம் மறந்து விடுகிறோம்.
அரிசியை ஊறவைத்து சமைப்பதன் ஆரோக்கிய நன்மைகள்:
பைடிக் அமிலத்தை குறைக்கிறது – அரிசியில் பைடிக் அமிலம் என்ற ஒரு பொருள் உள்ளது. இந்த அமிலம் உடலில் இரும்பு, துத்தநாகம் போன்ற முக்கியமான தாதுக்களை உறிஞ்சுவதைத் தடுக்கிறது. அரிசியை ஊறவைப்பதன் மூலம் இந்த பைடிக் அமிலம் கணிசமாகக் குறைகிறது. இதனால், உடலில் இரும்பு மற்றும் துத்தநாகம் போன்ற தாதுக்களின் அளவு அதிகரிக்கிறது. குறிப்பாக, இரத்த சோகை பிரச்சனை உள்ளவர்களுக்கு இது மிகவும் பயனுள்ளதாக இருக்கும்.
Also Read : நெய்யில் ஊறவைத்த பேரீச்சம்பழம்! வெறும் வயிற்றில் சாப்பிட்டால் இவ்வளவு நன்மைகளா?
செரிமானத்தை மேம்படுத்துகிறது – அரிசியை ஊறவைப்பதன் மூலம் அதில் உள்ள மாவுச்சத்து மென்மையாகிறது. இதனால், அரிசி எளிதில் செரிமானமாகிறது. இது குழந்தைகள் மற்றும் வயதானவர்கள் போன்ற செரிமான பிரச்சனை உள்ளவர்களுக்கு மிகவும் நல்லது. மேலும், அரிசியில் உள்ள நார்ச்சத்து செரிமானத்தை மேம்படுத்தி, மலச்சிக்கலைத் தடுக்கிறது.
இரத்த சர்க்கரை அளவை கட்டுப்படுத்துகிறது – சர்க்கரை நோயாளிகள் அரிசி சாப்பிடுவதை பொதுவாகத் தவிர்க்க வேண்டும். ஆனால், அரிசியை ஊறவைத்து சமைப்பதன் மூலம் அதன் கிளைசெமிக் குறியீடு குறைகிறது. இதனால், இரத்தத்தில் சர்க்கரையின் அளவு மெதுவாக உயர்கிறது. இது சர்க்கரை நோயாளிகளுக்கு மிகவும் பயனுள்ளதாக இருக்கும்.
ஊட்டச்சத்து மதிப்பை அதிகரிக்கிறது – அரிசியை ஊறவைப்பதன் மூலம் அதில் உள்ள வைட்டமின்கள் மற்றும் தாதுக்களின் அளவு அதிகரிக்கிறது. குறிப்பாக, வைட்டமின் பி குழுமத்தின் அளவு அதிகரிக்கிறது. இந்த வைட்டமின்கள் நரம்பு மண்டலத்தின் ஆரோக்கியத்திற்கு மிகவும் முக்கியமானவை.
ஆர்சனிக் அளவைக் குறைக்கிறது – சில வகை அரிசியில் ஆர்சனிக் என்ற நச்சுப் பொருள் இருக்கலாம். ஆர்சனிக் நீண்ட காலமாக உடலில் இருந்தால் புற்றுநோய் போன்ற கடுமையான நோய்களை ஏற்படுத்தும். அரிசியை ஊறவைப்பதன் மூலம் இந்த ஆர்சனிக் கணிசமாக குறைகிறது.
உணவின் சுவையை மேம்படுத்துகிறது – அரிசியை ஊறவைத்து சமைக்கும் போது, அரிசியின் சுவை மிகவும் நன்றாக இருக்கும். இதற்கு காரணம், ஊறவைக்கும் போது அரிசியில் உள்ள தேவையற்ற பொருட்கள் வெளியேறிவிடும். அரிசியை சமைக்கும் முன் தண்ணீரில் சிறிது நேரம் ஊறவைப்பதால் நொதி முறிவு (enzymatic breakdown) ஏற்படுகிறது. இது நிகழ்வதன் மூலம் அரிசியில் உள்ள காம்ப்ளக்ஸ் கார்போஹைட்ரேட் எளிய சர்க்கரைகளாக உடைக்கப்படுகிறது.
ஒரு சிலர் அரிசியை சுமார் 3-4 மணி நேரம் அவரை தண்ணீரில் ஊற வைப்பார்கள். ஆனால் இப்படி செய்வதன் மூலம் அரிசியிலுள்ள வைட்டமின் மற்றும் மினரல்ஸ் தண்ணீரில் கரைந்து விடுகின்றன. அரிசியை அதிக நேரம் ஊறவைக்க வேண்டாம், சுமார் 15 முதல் 20 நிமிடங்கள் வரை ஊற வைக்கலாம். இது அரிசியின் அமைப்பை சரியாக வைத்திருக்கும். அரிசியை ஊறவைத்து சமைப்பது நமது உடல் நலனுக்கு பல வழிகளில் நன்மை பயக்கும். எனவே, அரிசியை ஊறவைத்து சமைப்பது ஒரு நல்ல பழக்கமாகும்.
Subscribe to our channels on YouTube & Telegram & 
Tamilnadu & Pondicherry