வெற்றி என்பது பின்னடைவு, தன்னம்பிக்கை மற்றும் புதுமை ஆகியவற்றை சார்ந்தே உள்ளது. வெற்றிகரமான தனிநபர்கள் ரிஸ்க் எடுப்பதன் மூலமும், தங்கள் திறன்களில் அசைக்க முடியாத நம்பிக்கையைக் கொண்டிருப்பதன் வாயிலாகவும், வழக்கமான விதிமுறைகளுக்கு வெளியே தொடர்ந்து சிந்திப்பதன் மூலமும் தனித்து நிற்கிறார்கள். இவைதான் சாதனைக்கான வாய்ப்புகளாகவும், அதற்கான மனநிலையையும் வளர்க்கின்றன.
வெற்றிகரமான மனிதர்களின் ரகசியங்கள் என்று பார்த்தோமேயானால், ரிஸ்க் எடுத்தல், அசைக்க முடியாத தன்னம்பிக்கை, மற்றவர்களின் கருத்துக்களோடு வேறுபடுவது, வித்தியாசமாக ஆக்கப்பூர்வமாக சிந்தித்தல், நம்பிக்கையான இயல்பு, பின்னடைவு மற்றும் தோல்வியை ஏற்றுக்கொள்வது, “முடியும்” மனப்பான்மை, தனிப்பட்ட பொறுப்பு, சுய விழிப்புணர்வு, திருப்பிக் கொடுத்தல் ஆகிய 10 அம்சங்களைக் குறிப்பிடலாம். கவனத்துடன் தனிப்பட்ட மற்றும் தொழில்முறை வெற்றிக்கு வித்திட உதவும் 9 முக்கிய விதிகளைப் பற்றி தெரிந்துகொள்வோம்.
Also Read : கூகுள் மேப்ஸ்-ல் அட்டகாசமான அப்டேட்! ஒத்தையடி பாதை, ஃப்ளைஓவர் பிரச்சனைகளுக்குத் தீர்வு!
1. தன்னை அறிதல்
வாழ்வில் வெற்றிபெற நினைக்கும் ஒவ்வொருவரும் தன்னைப் பற்றிய சுய அறிவு கொண்டிருப்பது மிகவும் அவசியம். தன்னுடைய பலம் மற்றும் பலவீனங்களை அறிந்து கொள்வது முன்னேற்றத்திற்கான பாதையை அமைக்கும். பலவீனமான விஷயங்களை களைந்து பலமுள்ள விஷயங்களை அதிகரித்துக் கொள்ளவேண்டும்.
2. மனத் தெளிவு
தினமும் 20 நிமிடங்கள் தனக்காக ஒதுக்குவது மனதை தெளிவுபடுத்தவும் மனஅழுத்தத்தை குறைக்கவும் உதவும். மேலும் கவனத்தை மேம்படுத்தி பணிகளை திறமையாக செயல்படுத்துவதையும் எளிதாக்குகிறது.
3. இலக்கு அமைத்தல் மற்றும் திட்டமிடல்
இந்த நேரத்தை குறுகிய கால மற்றும் நீண்ட கால இலக்குகளை அமைக்க பயன்படுத்தலாம். தனிப்பட்ட மற்றும் தொழில் முறை நோக்கங்களை அடைவதற்கான தெளிவான திட்டங்களை உருவாக்கிக் கொள்ளலாம்.
4. தியானம் / மூச்சுப் பயிற்சி
தனக்கென இருபது நிமிடங்கள் தினமும் ஒதுக்கி அந்த நேரத்தில் தியானம் அல்லது மூச்சுப் பயிற்சியில் ஈடுபடலாம். ஆழ்ந்த சுவாசப் பயிற்சி மன அழுத்தத்தை குறைக்கும். ஒட்டுமொத்த நல்வாழ்வை மேம்படுத்தும். மேலும் செய்யும் வேலையை கவனமாக சிறப்பாக செய்ய வைக்கும்.
5. ஆராய்தல்
தன்னுடைய செயல்பாடுகளில் இருக்கும் முன்னேற்றம் அல்லது பின் தங்கிய நிலை இவற்றைப்பற்றி ஆராயலாம். இவற்றில் கவனம் செலுத்தும்போது பின்னடைந்த பகுதிகளை எவ்வாறு சீர் செய்து கொள்ளலாம் என்று யோசிக்க அவகாசம் கிடைக்கும். தினசரி செயல்களை சீரமைத்துக் கொள்ளலாம். உற்பத்தி திறனையும் செயல் திறனையும் அதிகரித்துக் கொள்ளலாம்.
6. நேர மேலாண்மை
நேரத்தை சிறப்பாக எவ்வாறு செலவிடுவது என்பதைப் பற்றி சிந்திப்பதும், மேலும் நேரத்தை வீணடிக்கும் செயல்களையும் கண்டறிந்து அகற்ற இந்த 20 நிமிடம் உதவுகிறது. ஒவ்வொரு மணித்துளியையும் திறமையாக பயன்படுத்த இந்த பயிற்சி உதவும்.
7. அதிகரித்த படைப்பாற்றல்
அமைதியான நேரத்தில் படைப்பாற்றல் மற்றும் புதுமையான சிந்தனையை வளர்த்துக் கொள்ளலாம். சிக்கல்களை தீர்க்கும் அதே நேரத்தில் தனிப்பட்ட வளர்ச்சியையும் அதிகரித்துக் கொள்ளலாம்.
8. மேம்படுத்தப்பட்ட உணர்ச்சி நுண்ணறிவு
20 நிமிடங்கள் நமக்காக ஒதுக்கும்போது நமது உணர்வுகள் எவ்வாறு வேலை செய்கிறது என்பதை பற்றிய சிந்தனையில் ஈடுபடலாம். இது பிறரிடம் பழகும்போது உணர்ச்சி நுண் அறிவுடன் இயங்க வைக்கும். இதனால் நட்பு, உறவு, தொழில் ஆகியவற்றில் சிறந்த தொடர்பு திறனை மேம்படுத்தும்.
9. தனிப்பட்ட வளர்ச்சி
நிலையான சுய கவனம், தொடர்ச்சியான கற்றல் மற்றும் வளர்ச்சியை அதிகரிக்கிறது. வாழ்க்கையின் பல்வேறு அம்சங்களில் வெற்றியை அடைவதற்கு உதவுகிறது.
Also Read : உடல் சூட்டை குறைப்பது எப்படி? How To Reduce Body Heat Naturally?
வெற்றி மிகவும் தனித்துவமானது, நபருக்கு நபர் இது பெரிதும் மாறுபடும். ஒருவரின் தனிப்பட்ட குறிக்கோள்கள், அபிலாஷைகள் மற்றும் சாதனைகளுக்கு ஏற்பவே வெற்றி வரையறுக்கப்படுகிறது. சிலருக்கு, வெற்றி தொழில்முறை முன்னேற்றமாக இருக்கலாம், மற்றவர்களுக்கு, இது தனிப்பட்ட நிறைவு, மகிழ்ச்சி அல்லது சமூகத்திற்கு பங்களிப்பதாக இருக்கலாம். வெற்றியின் வரையறை கலாச்சார, சமூக மற்றும் வரலாற்று சூழல்களிலும் வேறுபடுகிறது. வெவ்வேறு கலாச்சாரங்கள் சமூகம், ஆன்மீகம் அல்லது பொருள் செல்வம் போன்ற வாழ்க்கையின் பல்வேறு அம்சங்களுக்கு முன்னுரிமை அளிக்கலாம்.
உங்களுடைய பழக்கவழக்கங்களை மாற்றுங்கள். அது திறமையை விட அதிகமாக உங்களுக்கு உதவும். தொடர்ந்து படியுங்கள். இப்படி படிப்பது உங்களிடம் திறமை இல்லாவிட்டாலும், உங்களை திறமைசாலியாக மாற்றிவிடும். தற்போதைய ஆய்வுகளில் கிடைத்துளள முடிவுகளின்படி, பெரும்பாலான நிலைகளில் மிகக்கடினமாக உழைப்பது எதிர்மறையான விளைவுகளையே அளிக்கும் எனத் தெரிவிக்கின்றன. கடினமான உழைப்பில் வெற்றிபெற்றவர்களை விட திறமையால் வெற்றிபெற்றவர்களுக்கு பொதுமக்களிடம் அதிக மதிப்பு இருப்பதாகத் தெரியவந்துள்ளது.
உள்ளார்ந்த திறமை மற்றும் திறமைக்கு அப்பாற்பட்ட கடின உழைப்பு என்பதற்கு இடையேயான இடைவெளி 99-1 என்ற விகிதத்தில் இருந்தாலும், தாமஸ் ஆல்வா எடிசன் கூறியதைப் போல் 50-50 என்ற விகிதத்தில் இருந்தாலும், இந்த இரண்டும் உங்களை மாற்றியமைப்பதில் எவ்வாறு துணை நிற்கின்றன என்பதை உணர்ந்தால் தான் வெற்றிக்கு தகுதியானவராக நீங்கள் மாறுவீர்கள்.
Subscribe to our channels on YouTube & Telegram & 
Tamilnadu & Pondicherry