குளிர்காலத்தில் பேரீச்சம்பழம் சாப்பிடுவதால் இத்தனை நன்மைகளா? தண்ணி அடிக்கறவங்களுக்கு இது ரொம்ப ஸ்பெஷலாம்..!

குளிர் காலத்தில் குளிர்ச்சியிலிருந்து பாதுகாத்துக் கொள்ளவும், நோய் எதிர்ப்பு சக்தியை அதிகரிக்கவும் பல ஆரோக்கியம் சார்ந்த உணவுகளை மக்கள் எடுத்துக்கொள்கின்றனர். சுவை மற்றும் ஊட்டச்சத்து நன்மைகளுக்கு பெயர் பெற்ற பேரீச்சம்பழங்கள் குளிர்ந்த மாதங்களில் மலச்சிக்கலைப் போக்குவதில் முக்கிய பங்கு வகிக்கும். எனவே, இந்த சீசனில் உங்களை ஆரோக்கியமாகவும், ஃபிட்டாகவும் வைத்திருக்க உங்கள் உணவில் பேரீச்சம்பழத்தைச் சேர்த்துக்கொள்ளுங்கள்.

இதில் கால்சியம், மெக்னீசியம், கார்போஹைட்ரேட், புரதம், துத்தநாகம் மற்றும் ஆக்ஸிஜனேற்றம் போன்ற பல ஊட்டச்சத்துக்கள் உள்ளன. மேலும் பேரிச்சையில் பினோலிக்ஸ், கரோட்டினாய்டுகள், இரும்புச் சத்து, பொட்டாசியம், செலினியம், மெக்னீசியம், தாமிரம், வைட்டமின் பி-காம்ப்ளக்ஸ், வைட்டமின் சி, டயட்டரி பைபர், புரதச் சத்து, பிரக்டோஸ் மற்றும் குளுக்கோஸ் போன்றவை ஏராளமாக உள்ளன.

Also Read : சிவப்பு அவல்! ஆச்சரியப்படும் அளவுக்கு கொட்டிக்கிடக்கும் நன்மைகள்!

அதேபோல் பேரிச்சம்பழம் சூடான தன்மை கொண்டதால் குளிர்காலத்தில் அதிகம் உண்ண தகுதியானது. இதை சாப்பிடுவதால் ரத்த ஓட்டம் அதிகரித்து இதயம் மற்றும் மூளைக்கு பலம் கிடைக்கும். எனவே,  பேரிச்சம்பழம் உட்கொள்வதன் மூலம் கிடைக்கும் நன்மைகளை தெரிந்து கொள்வோம்.

• பேரிச்சம்பழம் குளுக்கோஸ், பிரக்டோஸ் மற்றும் சுக்ரோஸ் ஆகியவற்றை உள்ளடக்கிய இயற்கையான சர்க்கரைகளின் ஆற்றல் மையமாகும். இது உடனடி ஆற்றலின் சிறந்த மூலமாகும், எனவே குளிர்காலத்தில் உடனடி ஆற்றலை பெற முடியும். இதை காலையில் உட்கொள்வதன் மூலம் நீண்ட நேரம் உற்சாகத்துடன் இருக்க முடியும். பேரிச்சம்பழம் சோர்வை சமாளிக்க உதவுகிறது.
• பேரீச்சம்பழம் வைட்டமின் பி, வைட்டமின் கே, நார்ச்சத்து, பொட்டாசியம், மெக்னீசியம் மற்றும் தாமிரம் ஆகியவற்றின் நல்ல மூலமாகும். இதை உணவில் சேர்த்துக்கொள்வது ஒட்டுமொத்த ஆரோக்கியத்திற்கு பங்களிக்கும்.
• குளிர்காலத்தில் நமது நோய் எதிர்ப்பு சக்தி அடிக்கடி பலவீனமடைகிறது. அத்தகைய சூழ்நிலையில் பேரீச்சம்பழத்தில் உள்ள ஆன்டிஆக்ஸிடன்ட்கள் நோய் எதிர்ப்பு சக்தியை அதிகரிக்க உதவுகிறது. இதனால் தெற்று நோய்கள் வரமால் தடுக்க முடியும்.

• பேரீச்சம்பழத்தில் உள்ள நார்ச்சத்து மலச்சிக்கலைத் தடுப்பதன் மூலம் சீரான குடல் இயக்கத்திற்கு உதவுகிறது மற்றும் செரிமான ஆரோக்கியத்தை மேம்படுத்துகிறது. மேலும் அமினோ அமிலங்களும் இதில் காணப்படுகின்றன.
• குளிர்காலத்தில் உடலில் நீர்ச்சத்து குறைபாடுகள் ஏற்படும். அதனால் மலச்சிக்கல் ஏற்படும். பேரீச்சம் பழங்களில் நீர்ச்சத்து மிகுதியாக உள்ளது. பேரிச்சம்பழத்தில், சர்பிடால் போன்ற இயற்கையான மலமிளக்கி பண்புகள் உள்ளன. இது குடல் இயக்கத்தை எளிதாக்க உதவுகிறது. செயற்கை மலமிளக்கியை நம்பாமல் மலச்சிக்கலை எதிர்த்துப் போராடுபவர்களுக்கு இது ஒரு சிறந்த தேர்வாக அமைகிறது.
• உடல் செயல்பாடு குறைதல் மற்றும் உணவுப் பழக்கவழக்கங்களில் ஏற்படும் மாற்றங்கள் காரணமாக தனிநபர்கள் மந்தமான செரிமானத்தை அனுபவிக்கும் போது, குளிர்காலத்தில் போதுமான அளவு நார்ச்சத்து உட்கொள்வது மிகவும் அவசியம்.
• பேரீச்சம்பழத்தில் இரும்புச்சத்து இருப்பதால் ஹீமோகுளோபின் அளவை எளிதாக அதிகரிக்கிறது. இரத்த சோகை உள்ளவர்களுக்கு பேரிச்சம்பழம் மிகவும் பயனுள்ளதாக இருக்கும்.

Also Read : கொய்யா பழங்களைச் சாப்பிடுவதால் கிடைக்கும் வியக்கத்தகு நன்மைகள்! கொய்யா பழத்தை எப்போது சாப்பிட வேண்டும்?

• பேரீச்சம்பழம் சாப்பிடுவது கெட்ட கொலஸ்ட்ராலின் அளவைக் கணிசமாகக் குறைத்து, இதய நோய்களின் அபாயத்தை குறைக்கிறது. இதில் உள்ள நார்ச்சத்து கெட்ட கொலஸ்ட்ராலைக் குறைக்கும். அதிக பொட்டாசியம் மற்றும் குறைந்த சோடியம் உள்ளடக்கம் காரணமாக உடலின் நரம்பு மண்டலத்திற்கு பேரிச்சம்பழம் மிகவும் நன்மை பயக்கும்.
• கர்ப்பிணிப் பெண்கள் எதிர்கொள்ளும் பல வகையான பிரச்சனைகளில் இருந்து பேரிச்சம்பழம் நிவாரணம் அளிக்கிறது. இது இரத்தப்போக்கை குறைக்கிறது.
• எடை குறைவது பற்றி நீங்கள் கவலைப்படுகிறீர்கள் என்றால், பேரீச்சம்பழத்தை சாப்பிடுங்கள். ஏனெனில் அதில் உள்ள கூறுகள் எடையை அதிகரிக்க உதவியாக இருக்கும். மது அருந்துவதால் உடலுக்கு ஏற்படும் தீங்கைத் தவிர்க்கவும் இது பயன்படுகிறது.
• குளிர்காலத்தில் எலும்புகளின் பலம் குறையும். பேரீச்சம்பழம் வைட்டமின் Kன் மூலத்தை வழங்குகிறது. இது வலுவான மற்றும் ஆரோக்கியமான எலும்புகளின் வளர்ச்சியில் முக்கியப் பங்கு வகிக்கிறது. பேரீச்சம் பழத்தில் உள்ள மக்னீசியம் மற்றும் அழற்சி எதிர்ப்புப் பண்புகள் மூட்டு வலியால் அவதிப்படுவோர் மற்றும் கீல்வாதத்தால் பாதிக்கப்பட்டவர்களுக்கு நிவாரணம் அளிக்கிறது.

• பேரீச்சம் பழங்களைத் தவறாமல் உட்கொள்வது வலுவான மற்றும் ஆரோக்கியமான எலும்புகளின் வளர்ச்சி மற்றும் பராமரிப்பை ஆதரிக்கும். ஆஸ்டியோபோரோசிஸ் அபாயத்தைக் குறைக்கும். பேரீச்சம் பழத்தில் உள்ள வைட்டமின் கே உள்ளடக்கம் புதிய எலும்பு திசுக்களை உருவாக்க உதவுகிறது. இதனால் மூட்டு வலி மற்றும் முதுகு வலி போன்ற பிரச்னைகள் நீங்குகின்றன.
• குளிர்காலத்தில் சீரான இரத்த ஓட்டம் தேவை. அதற்கு இரும்புச்சத்து அவசியம். ஒவ்வொரு பேரீச்சம் பழத்திலும் இரண்டு மில்லி கிராம் இரும்புச்சத்து உள்ளது. இனிப்பு சாப்பிடும் ஆசை ஏற்பட்டால் தாராளமாக பேரீச்சம் பழம் சாப்பிடலாம். பேரீச்சம் பழம் இரும்புச்சத்து குறைபாட்டை நீக்க உதவுகிறது. 100 கிராம் பேரீச்சம் பழத்தில் 0.9 மில்லி கிராம் இரும்புச்சத்து உள்ளது.
• பேரீச்சம் பழத்தில் மெக்னீசியம் காணப்படுகின்றது. இதோடு, டிரிப்டோபான் என்ற அமினோ அமில மூலக்கூறும் உள்ளது. இவை குளிர் காலத்தில் நல்ல தூக்கத்திற்கு அவசியமான ஒன்றாகப் பார்க்கப்படுகிறது. மேலும், தூங்குவதற்கு ஒன்று அல்லது இரண்டு மணி நேரத்திற்கு முன் பேரீச்சம் பழங்களை சாப்பிட வேண்டும்.
• பேரீச்சம்பழத்தில் பிரக்டோஸ் அதிகம் இருப்பதால், பேரீச்சம்பழங்கள் இயற்கையாகவே இனிப்பானவை. பேரிச்சம்பழங்கள் குறைந்த கிளைசெமிக் குறியீட்டைக் கொண்டுள்ளன. குறைந்த கிளைசெமிக் குறியீட்டைக் கொண்ட உணவுகள் இரத்த சர்க்கரை அளவைக் குறைக்கும். எனவே இது நீரிழிவு நோயாளிகளுக்கு ஏற்றது. 3 – 4 பழங்கள் சாப்பிடலாம்.
• பேரீச்சம்பழத்தில் வைட்டமின் பி 5 உள்ளது, இது உங்கள் தலைமுடியை பராமரிக்க இன்றியமையாதது. இது முடி உதிர்வைக் குறைக்கிறது, உடையக்கூடிய முடியை மேம்படுத்துகிறது மற்றும் முனைகளை பிளவுபடுத்துகிறது. 3-4 பேரிச்சம்பழங்களை தினமும் உட்கொள்வது முடி பிரச்சனைகளை குறைக்க உதவும்.

Also Read : டீ, காபி குடிப்பதற்கு முன் கட்டாயம் தண்ணீர் அருந்த வேண்டும்! ஏன் தெரியுமா?

இரத்த சோகை பிரச்னை உள்ளவர்கள், பேரீச்சம்பழத்தை இரவில் தண்ணீரில் ஊறவைத்து, காலையில் வெறும் வயிற்றில் சாப்பிடுங்கள். அவற்றை வெறும் வயிற்றில் சாப்பிட்டால் நாள் முழுவதும் உற்சாகமாக இருக்கும். ஒரு நாளைக்கு 3 முதல் 4 பேரிச்சம்பழம் சாப்பிடலாம்.

Summary : குளிர்காலம் தொடங்கும்போது, பலவீனமான நோயெதிர்ப்பு அமைப்பு காரணமாக, வைரஸ்களால் ஜலதோஷம் மற்றும் காய்ச்சலால் நாம் அதிகம் பாதிக்கப்படுகிறோம். பேரீச்சம்பழத்தில் உள்ள ஆன்டி ஆக்ஸிடன்ட்கள் மற்றும் வைட்டமின்கள் நமது நோய் எதிர்ப்பு சக்தியை அதிகரிப்பதில் முக்கியப் பங்கு வகிக்கின்றன. உங்கள் உணவில் பேரீச்சம் பழங்களைச் சேர்ப்பது, உங்கள் உடலின் தொற்றுநோய்களை எதிர்த்துப் போராடும் திறனை மேம்படுத்துகிறது. அதோடு, ஒட்டுமொத்த ஆரோக்கியத்தையும் ஆற்றலையும் மேம்படுத்துகிறது.

Image Source : Getty Image.

Subscribe to our channels on  YouTube  & Telegram &  Tamilnadu  &  Pondicherry