சென்னையில் மெட்ரோ ரயில் கட்டணம் குறைப்பு! முதலமைச்சர் எடப்பாடி பழனிசாமி அறிவிப்பு!

0
20

பொதுமக்களின் கோரிக்கையை ஏற்று சென்னை மெட்ரோ ரயில் கட்டணத்தை குறைத்து முதலமைச்சர் எடப்பாடி பழனிசாமி உத்தரவிட்டுள்ளார். 0-2 கி.மீ. வரையிலான கட்டணத்தில் மாற்றமில்லை.

இதுதொடர்பாக முதலமைச்சர் வெளியிட்டுள்ள அறிவிப்பில், “சென்னையில் நாளை மறுநாள் முதல் மெட்ரோ ரயில் கட்டணம் குறைக்கப்பட்டுள்ளது.

மெட்ரோ ரயிலில் அதிகபட்ச கட்டணமான 70 ரூபாயை, ரூ.50 ஆக நிர்ணயிக்கப்பட்டுள்ளது. 5-12 கி.மீ. வரையிலான கட்டணமான 40 ரூபாயை, ரூ.30 ஆகவும்,  2-5 கி.மீ. வரை கட்டணம் ரூ.20 ஆகவும்  குறைக்கப்பட்டுள்ளது.

க்யூ ஆர் கோடு, தொடுதல் இல்லா மதிப்பு கூட்டு பயண அட்டை மூலம் பயணித்தால் 20 சதவீத கட்டணம் தள்ளுபடி செய்யப்பட்டுள்ளது. வண்ணாரப்பேட்டைவிம்கோ நகர் வழித்தடத்திற்கும் சேர்த்து இனி 54 கி.மீ. 100 ரூபாயே வசூலிக்கப்படும். ஏற்கனவே வண்ணாரப்பேட்டைவிம்கோ நகர் வழித்தடம் தவிர்த்து 45 கி.மீ.க்கு ரூ.100 வசூலிக்கப்பட்டு வந்தது. அதேநேரம், 0-2 கி.மீ. வரையிலான கட்டணத்தில் மாற்றமில்லை. ஞாயிறு மற்றும் விடுமுறை நாள்களில் கட்டணத்திலிருந்து 50 சதவீதம் தள்ளுபடி செய்யப்படும்.” இவ்வாறு அவர் கூறி உள்ளார்.

Subscribe to our channels on  YouTube  & Telegram &  Tamilnadu  &  Pondicherry