டாக்டர் ராமதாஸ் வெளியிட்டுள்ள டிவிட்டர் பதிவில், தமிழ்நாட்டில் குளிரூட்டி(AC), நீர் சூடாக்கி(Water Heater) உள்ளிட்ட மின்சாரக் கருவிகளை பயன்படுத்தும் வீடுகளில், அனுமதிக்கப்பட்ட அளவை விட அதிக மின்சாரம் எடுக்கப்பட்டால், அதற்காக தேவைக்கட்டணம் என்ற பெயரில் தண்டம் விதிக்க மின்சார வாரியம் முடிவு செய்திருக்கிறது.
சிங்காரவேலர் செங்கொடி ஏற்றியதன் நூற்றாண்டு! தொழிலாளர்கள் எதிர்கொண்ட போராட்டங்கள், வலிகள்! மே தின சிறப்புப் பதிவு!
1800களில், ஆலைகளில் தொழிலாளர்கள் 18 மணி நேரம் வரை உழைக்க கட்டாயப்படுத்தப்பட்டனர். சரியான உறக்கம் இல்லாமல், ஓய்வறியா உழைப்பால் தொழிலாளர்கள் நோயுற்றனர். ஒரு நாளுக்கான வேலை நேரத்தின் அளவு சட்டப்பூர்வமாக வரையறுக்கப்படாவிட்டால், தொழிலாளர் வர்க்கத்துக்கு முன்னேற்றம் சாத்தியம் இல்லை என்ற கார்ல் மார்க்ஸின் முழக்கத்தைத் தொடர்ந்து, எட்டு மணி நேர வேலை எனும் கோரிக்கைக்கான போராட்டங்கள் தொடங்கின.
பட்டம் பெறவந்த பட்டியலின மாணவன் ஜட்டிக்குள் கைவிட்டு…! அரை நிர்வாணமாக்கி அறையில் பூட்டி சித்ரவதை..! வழக்கில் சிக்கும் போலீஸார்!
தஞ்சை தமிழ் பல்கலைக்கழகத்தில் தமிழ்நாடு ஆளுநர் ஆர்.என் ரவி தலைமையில் நடந்த 13வது பட்டமளிப்பு விழாவில் ‘ஆளுநருக்கு பாதுகாப்பு’ என்ற பெயரில், பாதுகாப்பு பணியில் இருந்த சில காவலர்கள், இந்திய மாணவர் சங்கத்தின் மாநில தலைவரும், பட்டம் பெற வந்தவருமான அரவிந்தசாமியின் ஆடைகளை களைந்து அறையில் பூட்டி வைத்து அவமானப்படுத்திய விவகாரம் பெரும் சர்ச்சையை ஏற்படுத்தி இருக்கிறது.
தஞ்சை மாவட்டம் திருவிடைமருதூர் அடுத்த இடையநல்லூர் கிராமத்தைச் சேர்ந்தவர் அரவிந்தசாமி. இவர் பட்டியலின சமூகத்தை சேர்ந்தவர். அரவிந்தசாமி அவர் குடும்பத்தின் முதல் பட்டதாரி. தஞ்சை தமிழ் பல்கலைக்கழகத்தில் அக்டோபர் 2021ஆம் ஆண்டு அரவிந்தசாமி எம்ஏ., எம்.பில் (MA M.Phil) முடித்து விட்டு, தமிழ்நாடு மத்திய பல்கலைக்கழகத்தில் மாஸ் கம்யூனிகேஷன் (Mass Communication) இரண்டாம் ஆண்டு படித்து வருகிறார்.
இந்நிலையில் கடந்த 24ஆம் தேதி தமிழ்நாடு ஆளுநர் ஆர்.என் ரவி தலைமையில் பல்கலைக்கழக வளாகத்தில் உள்ள கரிகால சோழன் பட்டமளிப்பு விழா அரங்கத்தில் 13வது பட்டமளிப்பு விழா நடைபெற்றது. கட்டணம் செலுத்தி பதிவு செய்த அனைத்து மாணவர்களும், காலை 8 மணிக்கு அரங்கத்திற்குள் வரவேண்டும் என்று பல்கலைக்கழக நிர்வாகம் அறிவித்திருந்தது. இதையடுத்து சக மாணவர்களுடன், அரவிந்தசாமி தனது குடும்பத்தினர் மற்றும் உறவினர்களுடன் அரங்கத்தில் அமர்ந்திருந்தார்.
அப்போது, ஆளுநருக்கு எதிராக கருப்பு பேட்ச் மற்றும் கருப்பு மாஸ்க் அணிந்து அரவிந்தசாமி எதிர்ப்பு தெரிவிக்க உள்ளதாக எழுந்த சந்தேகத்தின் பேரில் காவல்துறையினர், அவரை அடுத்தடுத்து சோதனை செய்ததுடன், அரவிந்தசாமியின் ஆடைகளை களைந்து அவரது ஆணுறுப்பு உள்ளிட்ட பகுதிகளில் சோதனை செய்துள்ளனர். மேலும், தனி அறையில் அடைத்து வைத்திருந்துள்ளனர்.
இது குறித்து வேல்ஸ் மீடியாவிடம் பேசிய அரவிந்தசாமி, காலை சரியாக 9.15க்கு முதலில் காவலர்கள் சிலர் வந்து என்னை விசாரித்துச் சென்றனர். பின்னர் மாநில உளவுத்துறை (எஸ்பிசிஐடி) அதிகாரிகள், எனக்கு தலையில் சுருட்டை முடி என்பதால், எனது தலைக்குள் கை விரல்களை விட்டு தூக்கிப் பார்த்து எதுவும் இருக்கிறதா என கேட்டுக் கொண்டே எனது கைக்குட்டையை எடுத்து உதறிப் பார்த்தனர். பிறகு அத்தனை மாணவர்கள் மத்தியில் என்னை அவர்கள் சோதனை செய்தனர்.
இதைத்தொடர்ந்து தனிப்பிரிவு போலீஸார் என்னை ஒரு தனி அறைக்கு அழைத்துச் சென்றனர். அந்த அறை மின்சார கட்டுப்பாட்டு அறை என்பதால் மிகவும் வெப்பமாக இருந்தது. எனது மேல் சட்டை மற்றும் பேண்டை கழற்றச் செய்தனர். நான் கருப்பு நிறத்தில் உள்ளாடைகள் அணிந்திருப்பதை பார்த்த காவல்துறையினர் ஆளுநருக்கு எதிர்ப்பு தெரிவிக்க வந்தது போல் தெரிகிறதே என கேட்டு என் ஆணுறுப்பிற்கு மேல் கையை வைத்து சோதனை செய்தார்கள்,” என்று அரவிந்தசாமி கூறினார்.
தஞ்சை தமிழ்ப் பல்கலைக்கழகத்தில், ’ஆளுநருக்கு பாதுகாப்பு’ என்ற பெயரில், SFI மாநில தலைவரும், பட்டம் பெற வந்தவருமான அரவிந்தசாமியின் ஆடைகளைக் களைந்து, அறையில் பூட்டி வைத்து போலீஸ் அவமானப்படுத்தியது பற்றி பட்டியலின மாணவனின் வாக்குமூலம். Video Courtesy: Prasath Signature. @EPSTamilNadu pic.twitter.com/4bzd19xHaC
— VELS MEDIA (@VelsMedia) April 29, 2023
மேலும் பேசிய அரவிந்தசாமி, ”குடும்பத்துடன் பட்டம் பெற வந்துள்ள நான் எப்படி ஆளுநருக்கு எதிர்ப்பு தெரிவிப்பேன் என்றேன். ஆனால் அதை ஏற்க மறுத்த போலீஸார், பல்கலைக்கழகத்தில் படிக்கும் போது இந்திய மாணவர் சங்கம் சார்பில் பல போராட்டங்களை செய்ததால் அளுநர் பட்டமளிப்பு விழாவில் கலந்து கொள்ள அனுமதி இல்லை என கூறி அந்த அறையிலேயே என்னை இருக்கச் செய்தனர்.
காவல் துறையினர் சொல்வதை போல் பல்கலைக்கழகத்தில் படிக்கும் போது பலமுறை குடிதண்ணீர், கல்வி உதவித்தொகை உள்ளிட்டவற்றுக்காக இந்திய மாணவர் சங்கம் சார்பில் பல்கலைக்கழக துணைவேந்தரை சந்தித்து மனுக்களை அளித்துள்ளேன். ஆனால், போராட்டம் நடத்தியதில்லை.
பின்னர் சரியாக 12:10க்கு என்னை டிஐஜி சிறப்பு பிரிவு போலீசார் உள்ளூர் போலீசாரிடம் ஒப்படைத்தனர். அவர்கள் என்னை அதே அறைக்குள் பிற்பகல் 1:30 மணி வரை பட்டமளிப்பு விழாவிற்கு செல்ல விடாமல் தடுத்து வைத்திருந்தனர்.
அதைத்தொடர்ந்து என்னை ஒரு வாகனத்தில் ஏற்றி அழைத்துச் செல்லும்போது, நான் அங்கிருந்த பத்திரிகையாளர்களிடம் என்னை வலுக்கட்டாயமாக அழைத்துச் செல்கிறார்கள் என குரல் எழுப்பினேன். உடனடியாக இடதுசாரி கட்சியினர் ஒன்றிணைந்து காவல்துறையிடம் என்னை அழைத்துச் செல்வதற்கு காரணம் கேட்டு அழுத்தம் கொடுத்ததன் அடிப்படையில் மாலையில் நான் விடுவிக்கப்பட்டேன்.
பின்னர் பல்கலைக்கழகத்திற்கு வந்து என்னுடைய பட்டத்தை கேட்கும்போது நான் உட்பட என்னுடன் சேர்ந்து நான்கு மாணவிகளின் பட்டத்தை காணவில்லை என பல்கலைக்கழக நிர்வாகம் தெரிவித்தது.
நான் படித்த பாடப்பிரிவு துறையின் ஆசிரியர்களிடம் கேட்டதற்கு, பல்கலைக்கழக தேர்வு மைய துறையிடம் இருந்து பட்டத்தை வாங்கிக் கொடுத்தனர்.
எனது குடும்பத்துடன் பட்டம் வாங்க வந்த என்னை தனி அறையில் அடைத்து வைத்து சிறுநீர் கழிக்க கழிவறைக்கு சென்றால் கூட, மூன்று காவலர்களை உடன் அனுப்பி சிறுநீர் கழிக்கும் வரை அருகிலேயே இருந்து பெரும் மன உளைச்சலுக்கு ஆளாக்கினர். இது எனக்கு மிகவும் மன வேதனையை அளித்துள்ளது.
இது குறித்து மாநில மனித உரிமைகள் ஆணையத்திடம் மின்னஞ்சல் மூலம் புகார் அளித்துள்ளேன். செவ்வாய்க்கிழமை சென்னை உயர் நீதிமன்றத்தில் வழக்கு தொடர உள்ளேன் என்று அரவிந்தசாமி தெரிவித்தார்.
மாணவர் அரவிந்தசாமி பட்டமளிப்பு அரங்கில் அமர்ந்திருந்ததாகவும், அவரை பாதுகாப்பு காரணங்களுக்காக போலீசார் அழைத்துச் சென்றதாகவும், நிகழ்ச்சி முடிந்ததற்கு பின்னர் ஆசிரியர் சொல்லித்தான் துணை வேந்தர் கவனத்திற்கு வந்ததாக தஞ்சை தமிழ் பல்கலைக்கழகம் கூறுகிறது.
மேலும், காவல்துறை சார்பில் எவ்வித முன்னறிவிப்பும் பல்கலைக்கழகத்துக்கு வழங்கப்படவில்லை. எந்தவொரு மாணவரையும் வெளியேற்றுமாறு பல்கலைக்கழகம் உத்தரவிடவில்லை. மாணவர் அரவிந்தசாமியை அரங்கத்தில் இருந்து வெளியே அழைத்துச் செல்ல எந்த அனுமதியும் போலீசார் பல்கலைக்கழகத்திடம் கேட்கவில்லை என்றும் பல்கலைக்கழக நிர்வாகம் தெரிவிக்கிறது.
ஆளுநர் பாதுகாப்பு என்ற பெயரில் பட்டியலின மாணவரை போலீஸார் அடக்குமுறைக்கு உள்ளாக்கி சித்ரவதை செய்தது பெரும் சர்ச்சையை ஏற்படுத்தி இருக்கிறது. இதுதொடர்பாக டிஜிபிக்கு புகார் கடிதம் அனுப்பியுள்ள மார்க்சிஸ்ட் கம்யூனிஸ்ட் மாநில செயலாளர் கே. பாலகிருஷ்ணன், சம்பந்தப்பட்ட போலீஸார் மீது நடவடிக்கை எடுக்குமாறு வலியுறுத்தியுள்ளார். விடுதலை சிறுத்தைகள் கட்சித் தலைவர் தொல். திருமாவளவன் இந்தச் சம்பவம் பற்றி கண்டனம் தெரிவிக்காதது மாணவர் தரப்பில் பெரும் அதிருப்தியை ஏற்படுத்தி இருக்கிறது.
Featured Videos from Vels Media
பிஜேபியை குஷிப்படுத்தவே தொழிலாளர் விரோத சட்டத்திருத்தம்! | Savithri Kannan Interview
Subscribe to our channels on YouTube & Telegram & 
Tamilnadu & Pondicherry
தமிழ்ப் புத்தாண்டை குறிப்பிடாமல் அமைச்சர் வெளியிட்ட கல்வி நாட்காட்டியால் சர்ச்சை! திட்டமிட்டு புறக்கணிப்பு என தமிழ் ஆர்வலர்கள் புகார்!
2023 – 2024ம் கல்வி ஆண்டுக்கான கல்வி நாட்காட்டியை அமைச்சர் அன்பில் மகேஷ் பொய்யாமொழி சென்னையில் 28.04.2023 அன்று வெளியிட்டார். 2023- 24ஆம் கல்வியாண்டில் பள்ளிகள் திறப்பு, காலாண்டு, அரையாண்டு, பொதுத் தேர்வு உள்ளிட்ட தேதிகள் அதில் இடம்பெற்றுள்ளன.
கார்ப்பரேட்டுகளுக்கு கைக்கூலி வேலை செய்வதா திராவிட மாடல்? காவியைப் பார்த்து காப்பி அடிக்கலாமா? நீதியரசர் ஹரிபரந்தாமன் ஆவேசம்!
சென்னையில் தியாகராய நகரில், ‘அறம் இணைய இதழ்’ சார்பில் 27.04.2023 அன்று “திசை மாறுகிறதா திமுக அரசு?” என்ற தலைப்பில் கருத்தரங்கம் நடைபெற்றது. ‘அறம் இணைய இதழ்’ ஆசிரியரும், மூத்த பத்திரிகையாளருமான சாவித்திரி கண்ணன் தலைமையில் நடந்த இக்கருத்தரங்கில், ஓய்வுபெற்ற நீதியரசர் ஹரிபரந்தாமன், ஐக்கிய விவசாய முன்னணி நிர்வாகி கே. பாலகிருஷ்ணன், பூவுலகின் நண்பர்கள் அமைப்பைச் சேர்ந்த வழக்கறிஞர் மு. வெற்றிச்செல்வன் ஆகியோர் சிறப்புரையாற்றினார்கள்.
2 ஆண்டுகளாக பள்ளிகள் தரம் உயர்த்தப்படவில்லை! கல்வி மறுமலர்ச்சி தடைபடுவதாக பாமக தலைவர் அன்புமணி ராமதாஸ் குற்றச்சாட்டு!
பாமக தலைவர் டாக்டர் அன்புமணி ராமதாஸ் அறிக்கை ஒன்றை வெளியிட்டுள்ளர். அதில், “தமிழகத்தில் தொடக்கப் பள்ளிகளை நடுநிலைப் பள்ளிகளாகவும், நடுநிலைப் பள்ளிகளை உயர்நிலைப் பள்ளிகளாகவும், உயர்நிலைப் பள்ளிகளை மேல்நிலைப் பள்ளிகளாகவும் தரம் உயர்த்தும் திட்டத்தின்படி, கடந்த இரு ஆண்டுகளாக ஓர் அரசுப் பள்ளி கூட தரம் உயர்த்தப்படவில்லை. நடப்பாண்டிற்கான மானியக் கோரிக்கையிலும் இதுகுறித்து அறிவிக்கப்படாதது மிகுந்த வருத்தமளிக்கிறது.
தமிழ்நாட்டை பல வெப்ப அலைகள் தாக்கும் ஆபத்து! ஒவ்வொரு முறையும் ஒரு வாரம் வரை நீடிக்கலாம் என வானிலை மையம் எச்சரிக்கை!
இந்தியாவில் வெப்பம் மற்றும் குளிர் அலைகளை அளவிடுதலுக்கான ஆராய்ச்சி நெறிமுறை, அவற்றின் நீண்ட காலப் போக்கு, இயற்பியல் பொறிமுறைகள், முன்கணிப்பு, தகவமைத்தல், தணிப்பு போன்றவை குறித்த ஒரு ஆய்வுநூலை இந்திய வானிலை ஆய்வு மையம் 25.04.2023 அன்று வெளியிட்டுள்ளது.